Taz thiaz đros Paz côngz xưv uô hâux lưv, tỉnh Sơn La muôx têx đồng chí: Hoàng Văn Nghiệm, Bí thư Tỉnh ủy, Thơưx Paz đại biểu Quốc hội tỉnh; Nguyễn Đình Việt, Phó Bí thư Tỉnh ủy, Chủ tịch UBPX tỉnh; têx đồng chí Ủy viên Ban Thường vụ Tỉnh ủy; thơưx car UBPX tỉnh; nênhs hlôngr njêx muôs cxuô sở, ban, ngành ntơưv tỉnh.

10 hli shông 2025, nhiax txiax tỉnh Sơn La tưz tsik tsês huôv tsar trơưk faz muôx kaz hâu. Xav hur si puôk tsar zav thax tsav tỉnh sâu tâu 27.094 tỷ nhiax, tsar 6,2% njuôk li chaix no tsaiz no; xav nhiax huv muôs trâu oz chas têz sâu tâu 172,1 triệu nhiax đô la, tsar 11,6% njuôk li shông uô ntêx; nhiax txiax thax tsav sâu tâu 4.564 tỷ nhiax, tâu 110% tsov xav Trung ương zok, tâu 123,4% njuôk li chaix no…

Xav txos hnuz 13/11/2025, tưz kênh tas 3.563 tỷ nhiax, tâu 47,8% tsưr ziv Thủ tướng Chính phủ zok. Tỉnh tror paz thiaz gruô hu tso pênhr nhiax uô, cxênhz yuôx đơưk cêr txov nhêv, khuôv đais hâur fuô lês têx dự án ntơưv thax tsav. Thôngz plơưk tỉnh tưz tso chai lês 30 dự án, đros trâu têx pênhr  sâu bê 12.660 tỷ nhiax, tsar 3 bâus lok sâuv têx dự án thiaz yax 37 bâus lok sâuv têx pênhr sâu bê njuôk li shông 2024.

Uô trơưk tsưr ziv nov hâu thax tsav 2 cấp, tỉnh Sơn La tưz cxiv kho 200 đơn vị uô côngz xưv têz qơưk cấp xã yênhx 75 đơn vị. Hâux lưv cxiv kho qơư uô côngz xưv, chuôz tav têz qơưk tus nhav nxiak tâu sir zôngv muôx kaz hâu. Tỉnh chox car UBPX cxuô xã bax, phaiz tsôngv cán bộ uô côngz xưv chia paz pêx xênhv uô tiar ntâuz ntơưr tâu sai. Nhiax zôngv tâu kênh cxaz nzir tsik so trâu têx xã, phường xuz thơưx tưz paz tâu zênhx max hâux lưv tov kaz cxiv kho...

Chia uô tiar têx tsưr ziv huôv tsar nhiax txiax- xã hội shông 2025 thiaz zos qơư chuôz zov chênhr trâu ntu zuôr txos, tỉnh Sơn La khov Chính phủ, Thủ tướng Chính phủ thiaz têx bộ, ngành Trung ương piar Quốc hội tso chai cxưx nhiax uô têx hâux lưv têz qơưk ntu 2026 - 2030; bax 4.476 tỷ đaiv pênhr nhiax zôngv Trung ương chia cxiv kho txox cêr yêz muk chênhr Hòa Bình - Mộc Châu ndê txos 4 sênhv; zok trâu tỉnh uô tsưr muôz pênhr uô txox cêr yêz muk chênhr Mộc Châu - Sơn La; khov yêv iz cxia dự án txox hluô điện, trạm biến áp muk nhoz đuô kror qơư trơưk faz Têz qơưk muôz nhiax uô.

Tỉnh cux thor Chính phủ paz cxaz nzir yax 570 tỷ nhiax chia uô tiar têx dự án cxiv puôz yar cơưv nhoz xã đriv têz; paz cxưx nhiax lês uô ntêx hạ tầng số, tso tơưv thôngz plơưk sóng 4G trâu 9 luz jok tsênhv “tsik tâu muôx sóng”; nzor tso tơưv txox chai uô hâux lưv cấp xã thiaz lês tiar cêr chai paz cán bộ tâu tso muk uô đuô hâux lưv uô tsêr nhoz tov kaz lês trơưk tsưr ziv nov hâu 2 cấp…

Fuô luk hâur jias uô hâux lưv, Phó Thủ tướng Chính phủ Bùi Thanh Sơn tưz kruôk trâu tỉnh Sơn La têx hâux lưv uô tâu hâur ntu đhâu, tsik zos paz zov chênhr trâu sâu nju nhiax txiax ntơưv hur si têz qơưk xưz, mak tsênhv nhav nxiak sir jos chính trị thiaz txox cêr muk ndax fiv ntơưv tỉnh tov kaz fuô lês tsưr ziv nov hâu thax tsav 2 cấp.

Phó Thủ tướng cxiz cov tỉnh tror nzaz nzơưv thax tsav xênhz txơưv, cêr muôx liv; zênhx max uô tiar têx cxiax cxênhv, cêr chai thiaz đề án zov chênhr fiv huv tuôr xav hâur tsov xav Văn kiện Đại hội 14 ntơưv Đảng. Moz siaz lês jông têx hâux lưv zov chênhr li zôngv máy tu jông, uô lax luôv, huôv tsar nuôv zax đros trâu txuôs jông pêx xênhv cxuô hair nênhs txux chi. Tror đơưk tâu sai hâux lưv sâu nju nhiax txiax thiaz sir jos thêv cov tas nhiax uô têz qơưk hâux lưv cêr chor nhov; zênhx max uô tiar hâux lưv sâu nhiax txiax, fuô lês têx dự án zov chênhr hâur thax tsav. Nhav nxiak tsưx truôx cêr njias to; tsik tsês đros têz qơưk Lok Tsuôk siz khov, por hưv jông txox cêr, ndêx chiv đriv têz. Cxênhz yuôx, cxiv tsa tsưr ziv nov hâu thax tsav 2 cấp; cxưx nhiax cxiv puôz vax tsêr trâu nov hâu cấp xã, lar haik sir zôngv công nghệ thông tin chia paz tâu zênhx max  hâux lưv nhiv no.

Hlôngr njêx muôs Ban Thường vụ Tỉnh ủy Sơn La, đồng chí Hoàng Văn Nghiệm, Bí thư Tỉnh ủy lok six uô Phó Thủ tướng Chính phủ Bùi Thanh Sơn thiaz Paz côngz xưv tsâus ntâu tưz moz siaz, muôx six hơưv tuôx cxênhz yuôx, chox car, paz đơưk tâu sai cêr txov nhêv hâur fuô lês têx hâux lưv huôv tsar nhiax txiax- xã hội.

Ban Thường vụ Tỉnh ủy Sơn La uô jông mnôngs, sâu tsês ndâux luk chox car ntơưv Phó Thủ tướng Chính phủ thiaz ndâux luk ntơưv têx đồng chí thành viên Paz côngz xưv chia tror chox car fuô lês têx tsưr ziv, hâux lưv huôv tsar nhiax txiax xã hội; tuôr xav cxưx nhiax uô têz qơưk hâux lưv shông 2025, sir jos lês tiar tsưr ziv sâu nju 8% nhiax txiax. Uô jông côngz xưv por hưv pêx xênhv luz nênhx muôx nox muôx hnar; lês muôx kaz hâu 7 nghị quyết zov chênhr ntơưv Trung ương nhiv kruôr tso tơưv. Đros ntơư, moz siaz lês jông hâux lưv cxiv tsa  têx cán bộ, công chức, viên chức cấp xã; sir jos nhav nxiak kror qơư, tiz nênhs uô côngz xưv hâur tsưr ziv nov hâu thax tsav 2 cấp uô hâux lưv thôngz plơưk, muôx kaz hâu.