Ntơưv têx qơư cxênhz yuôx, đồng chí Phó Chủ tịch Thường trực UBPX tỉnh tưz cxênhz ntơưv qơư têx dự án. Đros trâu dự án ntơưv xã Yên Sơn, côngz xưv yaik qơư nhoz yiaz tưz uô tiar yax 70%. Đơn vị uô taz tov gruô hu tiz nênhs, chuôz zênhx moz siaz khơưz tiar kuô tsêr, sir jos lês tiar hâux lưv zos li tsưr ziv tso tơưv.

Ntơưv xã Phiêng Khoài, Yar cơưv phổ thông nội trú ntâu cấp Tiểu học - THCS tâu cxiv puôz trâu thax ar đar 5 ha, xav hur si muôx 14 hâux lưv. Txos nhiv no tưz xair tâu nênhs ntiar cxiv puôz thiaz đơn vị kria lol sâuv njuôk tsov, xav tơưv tsưr ziv uô. Nênhs tâu ntiar uô tưz nquôr tas bê tông trâu iz cxia hâux lưv. 

Ntơưv xã Lóng Phiêng, têx hâux lưv puôr lênhx txâuk chai chia fuô lês dự án.  Đơn vị uô tưz khơưz tiar kuô tsêr, quôr bê tông trâu iz cxia hâux lưv, taz sik tsênhv njiz ntâu cêr txov nhêv lok sâuv tsik muôx đêx paz trâu hâux lưv cxiv puôz.

Đhâu cxênhz, đồng chí Hà Trung Chiến tưz kruôk trâu têx thax tsav pâuz tưx zênhv tsov xav tsưr ziv uô. Đros ntơư cxiz cov têx xã thiaz tsưr muôz nhiax uô đros cxuô sở, ngành cik txos đơưk tâu sai cêr txov nhêv lok sâuv cêr chai, gruô hu tiz nênhs, zênhx max nzor uô tiar têx cêr chai yaik qơư nhoz yiaz. Tsik tas li, tsuv cxênhz đuô, kria pâuz tsưr ziv bax têx cán bộ saiz car, cưk kria fiv huv tov kaz uô tiar muôz zok sir zôngv têx yar cơưv.