Taz thiaz đros Paz nov uô hâux lưv muôx đồng chí Nguyễn Đình Việt, Phó Bí thư Tỉnh ủy, Chủ tịch UBPX  tỉnh; nov chox car cxuô sở, ngành cik txos.

Ntu 2018-2025, tỉnh Sơn La tâu Trung ương paz nhiax uô 439 dự án hâur Đề án 666, tas nro yax 2.096 tỷ nhiax. Txos nhiv no, 83/84 dự án ntu 2018-2020 tưz uô tiar, têx dự án ntu 2021-2025 taz tov uô cov suôx câuv chia thêv nhiax. Côngz xưv zok nhiax tiar yax 99%. Lês trơưk Phó Thủ tướng Chính phủ têx luk gơư ntơưv Thông báo 206/TB-VPCP Hnuz 28/4/2025 lok sâuv kho Đề án 666, Sơn La tưz uô tiar hồ sơ khov cov cxưx nhiax uô Dự án ntu 2026-2030, tas nro nto 2.495 tỷ nhiax, tsi njênhk kho cêr cxuô zav ntơưv têx qơư pêx xênhv lok nhoz tsês qơư uô điện đêx Sơn La. Tỉnh cux khov cov paz pênhr nhiax xưv cxênhx yax 605 tỷ chia paz pêx xênhv cov muôx txâuk sir txâuk zôngv, uô nox, por hưv har jôngr, kria hâux lưv trâu têx ziv pêx xênhv thax tsav yêv qơư nhoz.

Lok sâuv têz qơưk luôs hâux lưv txo cêr pluôs truôx njês ntu 2021-2025, tâu Trung ương zok trâu tỉnh yax 1.230 tỷ nhiax, tỷ tsôngv zok tas yax 61%. Txix têx nhiax pênhr tâu zok, tỉnh Sơn La tưz uô ntâu zav hâur 7 dự án: Paz huôv tsar nhiax txiax - xã hội têx huyện pluôs; Paz ntâuz zav hâux lưv, huôv tsar têx qơư uô nox txo cêr pluôs; Paz cov muôx nox txâuk đas jos; Choz kria hâux lưv truôx njês; Paz uô tsêr trâu ziv pêx xênhv nhoz; Fuô chai txo cêr pluôs thiaz yôngv pênhr xưv sox car têx hâux lưv têz qơưk. Ntâu luôs hâux lưv paz uô tâu nox, txo tỷ tsôngv ziv pluôs thôngz tỉnh grik txix 21% shông 2021 yuôr yax 10% kaz shông 2024, fênhx đraz iz shông grik yax 3%.

Hâur têz qơưk luôs hâux lưv cxiv tsa jêx jok yiaz, tỉnh Sơn La fuô 2 nghị quyết chuyên đề ntơưv Tỉnh ủy, 25 nghị quyết HĐPX thiaz yênhx châuv zav ntơưr kria, chox car lês. Tass nro pênhr nhiax gruô hu lês têx hâux lưv têz qơưk ntu 2021-2025 yax 1.450 tỷ txix pênhr nhiax têz qơưk; yax 24.000 tỷ zos nhiax sơưr đơưk siz chos côngv, pênhr txuôs tsês thiaz pêx xênhv côngv. Txos nhiv no, tưz cxênhz, xair tâu 214 zav huv OCOP txix 3-5 sao; 100% xã tâu chaz xor tôngx cáp quang thôngz, zôngv tâu 4G; yax 117.200 tài khoản Tuz kôngz hâux lưv sâuv cêr lax luôv điện tử; paz 42 luz tsêr luôv, HTX piar muôs hax huv sâuv têx nền tảng số, paz max hâux lưv hlôngr số hâur cêr uô kôngz lông jêx jok.

Côngz xưv paz cov pêx xênhv ntux nas hiav yêv qơư nhoz, uô nênhx truôx njês tâu tỉnh lok six moz siaz paz max. Shông 2024, Sơn La tâu Trung ương paz 250 tỷ nhiax đơưk cêr phiv liv coz chuô số 3 hiav, tưz uô 14 dự án ntơưv 13 xã, phường. Shông 2025, tỉnh tror tâu zok 200 tỷ nhiax uô 16 dự án, hâur ntơư 5 dự án yêv pêx xênhv thax tsav tox poz txar qơư nhoz.

UBPX tỉnh Sơn La khov Bộ Kôngz lông thiaz Môi trường tror paz max lês Đề án 666 ntu 2026-2030, tas nro yax 3.100 tỷ nhiax uô cêr puô tsar zav, paz pêx thax tsav yêv lok nhoz yiaz muôx hâux lưv uô, uô nênhx truôx njês. Têx hâux lưv têz qơưk, tỉnh khov cov nzor tso chai lês ntu 2026-2030, têx ntơưr kria lês. Iz chas ntơư, cxaz nzir dự án zov chênhr. Tsik tas li, tỉnh cux khov cov nzir nhiax uô 31 dự án yêv yax 1.400 ziv pêx xênhv, tas nro nto 795 tỷ nhiax, đros trâu pênhr nhiax paz max uô kôngz lông, uô têx cưx, car đêx, pak trâu đêx, tok đêx cxênhv zưs kôngz lông.

Ntơưv jias uô hâux lưv, Thứ trưởng Bộ Kôngz lông thiaz Môi trường Võ Văn Hưng tưz kruôk nxiak tỉnh Sơn La têx hâux lưv lês tâu hâur ong thực hiện các chương trình, đề án huôv tsar kôngz lông, jêx jok; kruôk tỉnh tưz kria hlôngr chai huôv tsar nhiax txiax cxơưz pêx xêhv luz nênhx. Thứ trưởng cxiz cov tỉnh tror nthuôr huôv têx hâux lưv tưz lês tâu, gruô hu cxuô cêr huôv tsar truôx njês. Paz nov uô côngz xưv mnôngs cxix cxuô tỉnh Sơn La têx luk khov, cux chos luk zuôr paz nhiax fiv huv, chia huôv tsar nhiax txiax - xã hội ntơưv tỉnh hâur ntu zuôr txos.