Paz đại biểu ntơưv tỉnh Sơn La côngv jias saiz hloz, diễu binh, diễu hành ntơưv Hà Nội muôx zuôr luôs 200 thành viên zos nênhs muôx côngz cxiv tsa têz qơưk, nênhs tâu pêx xênhv njênhs, thơưx car tỉnh, kuz thơưx car tỉnh đros iz cxia cán bộ paz lês hâux lưv. Paz côngz xưv zuôr côngv hâur xiaz 1 thiaz xiaz 2/9/2025.

Ntơưv jias cơưv, têx cơ quan, đơn vị tưz kria pâuz têx tsưr ziv bax cov jông cxuô zav njiaz luk, tsi njênhk por hưv tâu jông cêr nhaz xênhz, trơưk đraiv cêr tuôr xav. Têx njiaz luk tâu moz siaz saz lax, muôx: Tsưr ziv tok, qơư nox nhoz trâu têx đại biểu, côngz xưv por hưv đas jos, côngz xưv paz lês nuv trâu paz côngz xưv.

Muôx luk ntơưv jias cơưv, đồng chí Đặng Ngọc Hậu cxiz cov têx cơ quan, đơn vị cik txos moz siaz lês jông têx tsưr ziv tưz thôngx iz trôngs luk, zênhx max lês tiar hâux lưv njuôk moz trâu têx thành viên hâur paz côngz xưv; cxênhz yuôx qơư nox, nhoz thiaz côngz xưv por hưv cêr nox nhoz njias to hâur six hơưv muk lok; tsi njênhk cxuô zav côngz xưv bax lês tiar trơưk li Trung ương thiaz tỉnh chox car.