Hlôngr njêx muôs têx đồng chí thơưx car tỉnh Sơn La, đồng chí Nguyễn Đình Việt tưz uô tiz jông tok Paz côngz xưv têx tỉnh Xay Sổm Bun tuôx shuôk thiaz kria pâuz iz cxia hâux lưv zov chênhr ntơưv tỉnh Sơn La hâur shông 2025. Trơưk ntơư GRDP hâur shông 2025 tsar 8,03%; sâu nhiax têz qơưk hâur thax tsav tâu 5.600 tỷ đaiv; ngành kôngz lông, chos jôngr, tu zus tsiax đêx huôv tsar truôx njês...Lok sâuv cêr siz khov txix li 2 tỉnh, tỉnh Sơn La nhiv nov taz nhav 126 lênhx shuv xênhz ntơưv tỉnh Xay Sổm Bun tuôx cơưv ntơưv têx yar cơưv hâur tỉnh. Oz tỉnh tưz moz siaz siz njiz, siz chos cơưv shâuv tsưr ziv hâur cxuô faz.

Hlôngr njêx muôs Paz côngz xưv, đồng chí Thong Văn-Thăm Mạ Công uô tsâus txos thơưx car tỉnh Sơn La tưz uô tiz jông taz Paz côngz xưv thiaz kruôk txos têx zav Sơn La tưz lês tâu hâur ntu đhâu. Đros ntơư, uô tsâus txos têx cêr paz ntơưv tỉnh Sơn La trâu tỉnh Xay Sổm Bun hâur ntu đhâu. Xar cov tỉnh Sơn La tror moz siaz siz khov hâur cxuô faz, yax hlo zos saz choz kria ntơưr, uô kôngz lông, cxiv tsa cêr siz khov, siz thôngx siaz oz luz tỉnh zênhv hnuz zênhv truôx khor.

Uô tsâus txos jias tuôx shuôk, phôngv Tsiaz ntơưv Paz đại biểu tỉnh Xay Sổm Bun, đồng chí Nguyễn Đình Việt xar cov 2 tỉnh tror moz siaz siz khov hâur cxuô faz thiaz huôv đar đar cêr siz khov txix li 2 têz qơưk Việt Nam - Lok Tsuôk, txix li tỉnh Sơn La thiaz Xay Sổm Bun zênhv hnuz zênhv fiv huv, tâu jông; kri fuô kria têx ntâuz ntơưr chos luk ntơưv oz tỉnh; paz zênhx ziv trâu têx đơn vị, thax tsav tâu siz njiz, cơưv shâuv tsưr ziv lês hâux lưv.