Paz côngz xưv số 20, Paz đại biểu tỉnh Sơn La muôx 15 lênhx zos đồng chí đồng chí Lưu Minh Quân, Ủy viên Ban Thường vụ Tỉnh ủy, Phó Bí thư Thường trực Đảng ủy cxuô cơ quan Đảng tỉnh chox paz nov.

Hâur 7 hnuz, paz nov tưz txos têx por trôngz hiar txiar: Song Tử Tây, Sinh Tồn, Cô Lin, Đá Đông B, Đá Tây A, Trường Sa thiaz tsêr tsar DKI/18. Ntơưv têx qơư tưz muk shuôk, Paz nov tưz lês ntâu hâux lưv muôx txiax njis li: Hơưv qix ntơưv por trôngz hiar txiar Trường Sa; hlơưr shaz ntơưv Tượng đài Liệt sĩ thiaz tsêr ndo txiax njis Zơưv Côngz Hôx nhoz thị trấn Trường Sa; ndo txiax njis têx Anh hùng Liệt sĩ hy tas siv nênhx viv xưv cxênhx por hưv chiac hiar txưr têz qơưk, têx por trôngz ntơưv njâur por trôngz Trường Sa; shuôk hlơưr shaz ntơưv têx tsêr txux chi đaz kruôk sâuv têx por trôngz.

Paz nov uô côngz xưv tưz shuôk, nthuôk cán bộ, chiến sĩ thiaz pêx xênhv ntơưv têx qơưk thâuv shuôk txos thiaz krưr puz phênhv huv zos têx chuôz zênhx, yuôx kho moz, ntơưr trâu mê nhuôv cơưv.

Iz chas ntơư, têx hâux lưv uôk paz đại biểu uô côngz xưv thiaz tsôngv tuz lênhv siz chos nthuôr txux chi tsik zos siz chos cxơưz pêx xênhv, cán bộ, chiến sĩ luz nênhx muôx cêr shir phaz xưz mak tsênhv truôx siaz por hưv têz qơưk.

Hâur phix muk uô côngz xưv, tỉnh Sơn La tưz puz trâu Quân chủng Hải quân 700 triệu nhiax chia uô gox CQ-01 thiaz krưr huv puz trâu tuz lênhv thiaz pêx xênhv huyện Por trôngz hiar txưr Trường Sa thiaz tsêr tsar DKI.