Taz paz côngz xưv, tỉnh Sơn La muôx đồng chí Xuân Xênhv Tsaz, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh; thơưx car iz cxia sở, ngành ntơưv tỉnh.

Hlôngr njêx muôs thơưx car tỉnh Sơn La, đồng Xuân Xênhv Tsaz jông siaz tok taz zơưs Cố vấn Thủ tướng thiaz nênhs hlôngr Đại sứ quán têz qơưk Cộng hòa Haiti tưz tuôx shuôk, uô hâux lưv ntơưv Sơn La. Đros ntơư, fuô kria iz cxia hâux lưv uô tâu  pov njôngr lok sâuv chính trị, nhiax txiax - xã hội, tsưx hưv têz qơưk, njias to ntơưv tỉnh; têx cêr txơưv zênhx ntơưv Sơn La, yax hlo mak lok sâuv huôv tsar cà phê, nhux mik; kôngz txir zôngv jông chuôz zênhx uô tơưv; chuôv zênhx jov kra yuôx zêx, cà phê thiaz ntông nox txir. Đros ntơư, tok nrư Paz côngz xưv têz qơưk Cộng hòa Haiti tsov xav, cxiv tsa têx cxiax cxênhv siz khov, cxiv tsa huôv tsar truôx njês ntơưv têx đơn vị thiaz thax tsav oz luz têz qơưk hâur ntu zuôr txos.

Zơưs Cố vấn Thủ tướng têz qơưk Cộng hòa Haiti muôx luk uô tsâus txos cêr tok taz cxix cxuô, tsiv txiax los ntơưv tỉnh Sơn La thiaz nkas siaz trâu têx hâux lưv uô tâu ntơưv Sơn La  hâur faz kôngz txir, lar haik mak têx têz chos tâu cà phê kaz .Đros ntơư, tok nrư hâur ntu zuôr txos, zuôr tsik tsês siz nus, siz chuôs siz khov ntơưv tsêr luôv oz tos, yax hlo mak hâur faz kôngz txir, jov tsuôv thiaz côngz bê lax luôv trâu luôs têz qơư txos têx hax huv kôngz txir.

Hâur têx hnuz tuôx shuôk thiaz uô hâux lưv ntơưv tỉnh Sơn La, Paz côngz xưv Đại sứ quán têz qơư Cộng hòa Haiti zuôr muk ndis saiz, tsov njuôk thax tsav chos cà phê thiaz Tsêr máy jov cà phê ntơưv HTX Cà phê Bích Thao Sơn La ntơưv thành phố Sơn La.