Jâus njiz njêx muôs muôx têx đồng chí: Lò Minh Hùng, Phó Bí thư Thường trực Tỉnh ủy; Xuân Xênhv Tsaz, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh; têx đồng chí Ủy viên Ban Thường vụ Tỉnh ủy; Thường trực HĐPX, UBPX, Ủy ban MTTQ Việt Nam tỉnh; thơưx car têx sở, ban, ngành, đoàn thể ntơưv tỉnh.

Hla đhâu 100 shông tsa tơưv thiaz huôv tsar, xav số báo Thanh niên xuz thơưx zos Nguyễn Ái Quốc tsa tơưv shông 1925 ntơưv Quảng Châu (Trung Quốc), Báo chí cách mạng Việt Nam tưz đros đraiv tiz nênhs, siz chos uô tơưv têx hâux lưv lox hloz hâur xưv cxênhx cxiv tsa thiaz por hưv têz qơư.

Đros trâu cêr yênhx qiv ntơưv báo chí hâur têz qơư, hâux lưv báo chí thiaz paz nênhs uô báo thax tsav tỉnh Sơn La tsik tsês lox hloz lok sâuv uô tâu ntâu thiaz jông, txơưx trơưk cêr cơưv zênhv hnuz zênhv tâu jông tuôx. Tas nro tỉnh muôx 3 cơ quan báo, tạp chí thax tsav li: Báo Sơn La, Xor tôngx chuô - Xa đuôz Sơn La, Tạp chí Suối Reo; muôx 8 cơ quan báo chí Trung ương tsa tơưv Văn phòng nênhs hlôngr nhoz thiaz txiz tuz sâu xor khênhr nhoz zuk thax tsav; 3 paz chuyên mục zos Công an tỉnh, Bộ Chỉ huy Quân sự tỉnh, Bộ Chỉ huy Tuz lênhv Đriv têz tỉnh đros têx zav báo chí cênhz cưv thiaz jông fiv li: Báo luôv tơưv, báo haik luk, báo pov đuôz, báo điện tử thiaz fuô luk cxuô tsar zav.

Ntơưv jâus njiz njêx muôs, đồng chí Lò Minh Hùng phôngv côngz hmôngr jông txos têx cơ quan báo chí, nênhs sâu báo ndax trâu Hnuz Báo chí cách mạng Việt Nam. Đồng chí kruôk txos têx hâux lưv ntơưv têx cơ quan báo chí thiaz têx paz nênhs uô báo thax tsav tỉnh hâur têx shông đhâu tsik tsês uô ntêx lông, txuk têk nxiak hâur cêr xav – txux chi; fuô mông cxix cxuô, zênhx max, zos, paz zênhx max, muôx liv trâu cêr cxiv kho thiaz huôv tsar tỉnh Sơn La.

Đồng chí Lò Minh Hùng tok nrư: Têx paz tuz sâu xor mông, nênhs uô báo tsuv tsik tsês hlôngr yiaz cêr xav, uô tiar tsưr ziv, cơưv shâuv cov muôx pênhr xưv, yôngv siaz cêr ndax ndênhk ntơưv nênhs sâu báo thiaz tsik tsês sir zôngv muôx liv chuôz zênhx yiaz, tsưx truôx xênhz chênhv chính trị, lês ntov nti lưv ciz sâu mông  chia sâu tơưv têx jax báo chí muôx njiaz luk jông, tsênhz, gas siaz, châuv chuôs cêr huôv tsar ntơưv báo chí  thiaz cêr khov saiz nhênhv ntơưv tsôngv nênhs, tok txos cxiv tsa faz báo chí fuô luk txơưx xav, muôx txiax njis,  fiv huv.

Ndax jâus no, Hội đồng zênhx puz Zênhx Báo chí Suối Reo tỉnh Sơn La shông 2024 - 2025 tưz choz 5 zênhx A, 10 zênhx B, 15 zênhx C thiaz 25 zênhx cxơưz jos trâu têx tus sâu tâu têx jax, têx paz côngv sâu jax muôx zênhx ntơưv cxuô zav báo chí. Chủ tịch UBPX tỉnh puz ntơưr kruôk têx tus sâu, paz sâu tâu zênhx A  zênhx Báo chí Suối Reo tỉnh Sơn La shông 2024 - 2025. Đros ntơư, Ban kriz lês tso luk gruô hu tưr Zênhx báo chí Suối Reo tỉnh Sơn La shông 2025-2026.