Jias njiz njêx muôs, muôx đồng chí Xuân X Tsaz, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh; nov chox car cxuô sở, ban, ngành ntơưv tỉnh; hlôngr njêx muôs têx tsêr luôv, hợp tác xã, ziv nênhs uô ntêx nyuôk hâur cêr lax luôv nuôv zax tỉnh.

 Hnuz xiaz 9/7/1960, Công ty Nuôv zax Việt Nam zos Bộ Ngoại thương saiz car tâu tsa yênhx, zos thơưx hnuz kriz tơưv ngành nuôv zax ntơưv Việt Nam. Đhâu ntâu ntu huôv tsar thiaz hlôngr yiaz hâux lưv, ngành nuôv zax tưz hlôngr yiaz iz thênhv jux juk, yênhx ngành nhiax txiax zov chênhr hâur têz qơưk. Ntơưv Sơn La, hnuz  22/12/1992, Sở Thương mại - Nuôv zax tỉnh tâu tsa yênhx, hâur ntơư muôx Phòng saiz car nghiệp vụ nuôv zax, uô qơư chuôz, cxơưz côngz xưv saiz car Têz qơưk lok sâuv nuôv zax. Txix ntơư, ngành nuôv zax Sơn La huôv tsar iz thênhv jux juk đros ngành nuôv zax Têz qơưk, côngv trâu cêr huôv tsar nhiax txiax - xã hội ntơưv tỉnh.

Ntơưv jias cơưv, nov hâu tỉnh thiaz têx cơ quan saiz car, Hiệp hội Nuôv zax thiaz tsêr luôv tưz siz chos saz lax. Hlôngr njêx muôs tsêr luôv tưz cxênhz mênhx têx chai huôv tsar nuôv zax ntơưv tỉnh; kria mênhx têx hâux lưv huôv tsar lax luôv nuôv zax têx shông đhâu.

Ntu 2021-2025, tỉnh tưz bax 1.150 tỷ nhiax uô 14 dự án; tsi njênhk têx nhiax tưz cxưx kho têx qơư cênhz cưv txux chi, qơư jông huôv tsar nuôv zax. Thôngz tỉnh muôx 15 thax qơư nuôv zax tưz tâu côngk nhav. Yênhx 5 zav nuôv zax tsênhv chênhz. Oz luz luôs hâux lưv lox hâur Nghị quyết Đại hội Đảng bộ tỉnh jias tiv 15, ntu 2020 - 2025 lês tiar uô ntêx 1 shông, ntơư, zos: Têz qơưk thax qơư nuôv zax Mộc Châu tưz tâu côngk nhav txâuk Chai nuôv zax; Pak điện đêx Sơn La tâu njuôk tsov hâur têx qơư nuôv zax têz qơưk ntu 2021-2030, bax txos shông 2045. Kruô tuôx nuôv zax trâu Sơn La tsar chôngz jux juk hâur yênhx shông. Cias 6 luz hli đhâu, Sơn La tưz tok tâu 3 triệu lưv pưs kruô, sâu tâu yax 3.500 tỷ nhiax.

Câuk luk, đồng chí Xuân Xênhv Tsaz cxiz hâur ntu no muk, têx sở, ban, ngành, tsêr luôv, hợp tác xã, qơư lax luôv nuôv zax tror sir jos lês ntov hâux lưv huôv tsar nuôv zax trơưk đề án, têx hâux lưv tưz fuô. Hlôngr số, uô jông lês hâux lưv “Sơn La Tour”. Tsa cêr nuôv zax vav mênhx, chuyên nghiệp, piar mênhx têx hâux lưv cxơưz trâu nuôv zax huôv tsar, siz khov yênhx thax tsav nuôv zax hâur Têz qơưk txos ntiax têz.

Ndax jias no, UBPX tỉnh tưz kruôk 9 paz, 6 tus khênhx lês jông hâux lưv siz tưr “Sơn La huôv tsar nuôv zax truôx njês thiaz đros oz chas têz siz khov” ntu 2023-2025.