Jias no muôx têx đồng chí: Hoàng Văn Nghiệm, Ủy viên Ban Chấp hành Trung ương Đảng, Bí thư Tỉnh ủy, Thơưx Paz đại biểu Quốc hội tỉnh; Lò Minh Hùng, Phó Bí thư Thường trực Tỉnh ủy, Chủ tịch HĐPX tỉnh; Nguyễn Đình Việt, Phó Bí thư Tỉnh ủy, Chủ tịch UBPX tỉnh; Cuôv Xênhv Tsaz, Phó Bí thư Tỉnh ủy, Chủ tịch Ủy ban MTTQ Việt Nam tỉnh; têx đồng chí Ủy viên Ban Thường vụ Tỉnh ủy, Thường trực HĐPX, UBPX, Ủy ban MTTQ Việt Nam tỉnh; têx đồng chí Ủy viên Trung ương Đảng, kuz Ủy viên Trung ương Đảng; kuz Bí thư Tỉnh ủy, kuz thơưx car tỉnh Sơn La đhâu cxuô ntu; têx hội viên, hlôngr njêx muôs têx hội viên hâur Ban Thôngz xor cán bộ Sơn La ntơưv Hà Nội zis nênhs.

Hâur jias njiz njêx muôs, têx đại biểu tưz tâu kria pâuz iz cxia hâux lưv zov chênhr hâur saz chính trị, nhiax txiax, xã hội, por hưv thax tsav nox, nhoz njias to thiaz đros oz chas têz siz khov ntơưv tỉnh shông 2025. Trơưk ntơư, shông 2025, Đảng bộ, nov hâu thiaz pêx xênhv cxuô hair nênhs tỉnh Sơn La tưz nthuôr huôv jông cêr thôngx siaz, hlôngr yiaz, sir jos hla đhâu têx cêr phiv liv, lês tâu ntâu zav hâux lưv zov chênhr.

Hlôngr njêx muôs Ban Thôngz xor cán bộ Sơn La ntơưv Hà Nội tưz jông siaz txos trâu têx zav uôk tỉnh Sơn La lês tâu hâur ntu đhâu. Đros ntơư, kria pâuz iz cxia hâux lưv hâur shông 2025, Ban zuôr tror tsưx jông hâux lưv siz khov têx hội viên; zênhx max kria pâuz têx hâux lưv huôv tsar nhiax txiax - xã hội ntơưv tỉnh txos trâu têx cán bộ Sơn La taz tov nhoz trâu Hà Nội. Moz siaz fuô lês hâux lưv paz têx nênhs txov nhêv hla đhâu cêr phiv liv, cxơưz paz cxiv tsa hur si pêx xênhv cxuô hair nênhs thôngx siaz thiaz lês nto mông đêz đar têx đuôz Sơn La hlôngr yiaz, huôv tsar.

Muôx luk hâur jias njiz njêx muôs, đồng chí Bí thư Tỉnh ủy tưz kria trâu têx đại biểu lok sâuv têx cêr chai, cêr tuôr xav lox hloz ntơưv tỉnh Sơn La hâur ntu zuôr txos. Hâu ntơư, moz siaz huôv tsar nhiax txiax - xã hội, muôz nhiax uô cêr yêz, yax hlo zos txox cêr yêz muk chênhr Hoà Bình - Mộc Châu - Sơn La - Điện Biên. Moz siaz huôv tsar kôngz lông truôx njês đros trâu sir zôngv chuôz zênhx yiaz, hlôngr pâur; fuô lês jông têx hâux lưv paz têx nênhs txov nhêv hla đhâu cêr phiv liv, txo tsơưs cêr pluôs truôx njês. Tror moz siaz cxiv kho Đảng thiaz ndêx ntus chính trị cov đơưz hur, truôx njês...

Đồng chí Bí thư Tỉnh ủy tưz uô tsâus txos kror moz siaz, cxơưz paz ntơưv têx đồng chí hâur Ban Thôngz xor cán bộ Sơn La ntơưv Hà Nội trâu tỉnh hâur ntu đhâu; muôx luk phôngv côngz mnôngr trâu têx đồng chí hâur Ban Thôngz xor cán bộ Sơn La ntơưv Hà Nội thiaz zis nênhs ndax jias Tsiaz têz qơưk Nênhk shông 2026. Đros ntơư, xar cov têx đồng chí hâur Ban Thôngz xor tror nthuôr huôv jông cênhz cưv thôngx siaz, lês hâux lưv muôx phênhv shuôv, côngv đas jos lês tiar Nghị quyết Đại hội Đảng bộ tỉnh jias tiv 16 tưz tso tơưv - cxiv tsa tỉnh Sơn La huôv tsar njuôz, sai thiaz truôx njês, yênhx qơư huôv tsar nhiax txiax zov chênhr ntơưv thax tsav Tây Bắc, đros trâu hur si têz qơưk hla trâu ntu nênhx huôv tsar yiaz, ntu nênhx bluô nux, vav mênhx thiaz shir phaz.