Lês Công điện số 149/CĐ-TTg hnuz 28/8/2025 ntơưv Thủ tướng Chính phủ thiaz ntơưr kria ntơưv Bộ Tài chính, tâu muôz 100.000 nhiax/pêx xênhv. UBPX tỉnh tưz muôx Quyết định số 2203/QĐ-UBPX hnuz 30/8/2025, muôz 138 tỷ txix li nhiax tỉnh trâu 75 xã, phường trơưk li cêr chai.

Ntơưv jias cơưv, nênhs hlôngr njêx muôs cxuô sở, ngành, thax tsav tưz kria têx kror uô tâu thiaz tsik tâu, iz cxia txov nhêv hâur hâux lưv cxênhz yuôx, sâu bê pêx xênhv; tsưr ziv thêv nhiax ntơưv têx thax tsav nhoz tox siaz, đêz đrôngs; côngz xưv đros têx cơ quan, đơn vị siz chos ês. Têx thax tsav cux thor tỉnh nzor tso tơưv ntâuz ntơưr kria pâuz, nhav nxiak hâux lưv krưr nhiax zos nênhs, zos chai, nhaz xênhz thiaz zênhx max.

Câuk luk jias cơưv, đồng chí Đặng Ngọc Hậu, cxiz cxuô sở, ngành, thax tsav tsuv fuô lês ntov nti têx ntâuz ntơưr ntơưv Trung ương thiaz ntơưv tỉnh; zênhx max cxiv tsa paz côngz xưv hâur qơư nhoz, lês trơưk njiaz luk “muk txos yênhx luz jok, yênhx ziv nênhs”, nhav nxiak uô tiar hâux lưv thêv nhiax krưr trâu pêx xênhv uô ntêx 11 six tar su hnuz xiaz 1/9/2025 trơưk luz bê zos tsôngv Công an muôz.

Đồng chí cxiz cov têx thax tsav hlôngr tsưr ziv thêv nhiax, zênhx max kria pâuz, đơưk tâu sai têx cêr txov nhêv, khuôv đais hâur ntu fuô lês. Đros ntơư, uô tiar ntâuz ntơưr, cêr chai zos ntov chai thiaz kria pâuz têx kror uô tâu thiaz tsik tâu trâu UBPX tỉnh pâuz chia sâu tsês cxix cxuô, chox car fuô lês zênhx max. Zok trâu Công an tỉnh tưx tso tơưv tsưr ziv kria pâuz pêx xênhv luz bê, ntâuz ntơưr kria pâuz cik txos cêr chai, đros thax tsav siz chos fuô lês hâux lưv thêv nhiax trâu pêx xênhv; Sở Tài chính saz lax cxaz nzir nhiax thiaz cxiv tsa tsưr ziv cxênhz yuôx iz cxia thax tsav, nhav nxiak hâux lưv fuô lês trơưk cêr chai, ndax ndênhk, mênhx pêv.