Ntơưv jias cơưv, cxuô sở, ngành ntơưv tỉnh tưz kria pâuz fuô lês hâux lưv cxiv puôz têx yar cơưv phổ thông nội trú liên cấp ntơưv têx xã đriv têz; cxênhz yuôx côngz xưv xair tsov chor nênhs tâu ntiar uô hâur dự án; hâux lưv cxênhz yuôx ntâuz ntơưr cxiv puôz; têx txov nhêv, khuôv đais, thor tso tơưv têx cxênhx cxênhv cik txos zos li vax huôv thiaz hâux lưv tâu zok. Têx xã đriv têz kria pâuz cxuô hâux lưv uô tâu hâur côngz xưv yaik qơư nhaz xênhz, thuk ar thiaz tso chai thêv nhiax ar shôngz ntông hâur dự án.

Têx đại biểu tưz saz lax, haik mênhx iz cxia cêr txov nhêv thiaz khov cov tso tơưv têx tsưr ziv cxiv puôz tiar têx yar cơưv, zos li têz qơưk cêr chai fuô.

Fuô luk chox car jias cơưv, đồng chí Nguyễn Minh Tiến cxiz cov cxuô sở, ngành, thax tsav tror uô tiar hâux lưv cxiv puôz têx dự án yar cơưv nội trú liên cấp zos li cêr chai, ndâux luk chox car ntơưv Trung ương, ntơưv tỉnh. Têx xã đriv têz zênhx max uô tiar hâux lưv thêv nhiax ar shôngz ntông trâu têx ziv, nhav nxiak lês tiar uô ntêx Tsiaz Têz qơưk 2026. Sở Cxiv puôz đros têx tsưr muôz nhiax uô, đơn vị kria pâuz đơưk tâu sai cêr txov nhêv, fuô lês têx tsưr ziv nzor uô tiar côngz xưv kria pâuz zos chai; têx đơn vị tsik tsês saiz car uô nuv nhaz xênhz, lês jông hâux lưv; moz siaz bax tiz nênhs, chuôz zênhx, nhav nxiak uô tiar têx dự án zos cêr tuôr xav.