Nhiv no, tỉnh Sơn La muôx têz chos kôngz lông yax 334 cxênhz ha. Tas nro tỉnh tưz uô yênhx 9 thax tsav kôngz lông zôngv chuôz jông, lês trơưr 218 lêx ntơưr chiv thax tsav chos; muôx 825 hợp tác xã uô nuv hâur faz kôngz lông, hâur ntơư muôx li 30% zôngv chuôz zênhx tsuôs đêx tsơưs zưs. Têx uô trơưk cêr xav VietGAP thiaz hữu cơ tâu yax 31.600 ha; huôv tsar 214 zav huv OCOP thiaz 262 cêr khov muôs kôngz hur. Txos nhiv no, 31zav huv kôngz lông ntơưv tỉnh tưz tâu por hưv bê lax luôv, hâur ntơư muôx 3 kro tơư kria qơư chos. Zus tsiax đêx ntơưv tỉnh tror huôv tsar muôx li 7.100 luz guôx zus, têx tsiax đêx tâu yax 8.600 tấn. Saz chos shôngz ntông đros trâu yax 655 cxênhz ha ar jôngr, tiv tsôngv jôngr nzôngr tox trôngz tâu 48,5%. Tỉnh Sơn La taz tov fuô lês têx cêr xav tsưx tsês ntâu tsar zav har jôngr, chos yiaz yax 1.300 ha jôngr, por hưv jôngr txưr zênhv jê 758 ha, đros  ntơư cxiv tsa hồ sơ xav tsês Thax tsav tsưx tsês cxuô zav hâur jôngr Mường La – Tà Xùa.

Đhâu saiz tsov ntơưv qơư iz cxia thax tsav ntơưv tỉnh,Viện Khoa học Kôngz lông Việt Nam tsênhr cov tỉnh Sơn La sir jos tsov xav cxuô tsar zav hâur jôngr; kria têx jông tsưr ziv, huôv tsar qơư chos kôngz thôngz tsiz fiv huv huôz chuô hlôngr txơưr; txo tsơưs têx yar chi tsov iar hiav thiaz cxiv tsa têx zav côngv tus gri têx kôngz lông truôx njês. 

Fuô luk ntơư jâus uô nuv, đồng chí Nguyễn Thành Công tưz sâu nhav têx luk haik ntơưv Paz côngz xưv, đros ntơư khov Viện Khoa học Kôngz lông Việt Nam tsov xav, tsa tơưv đề tài tsov xav khoa học, paz  tỉnh Sơn La tuôr xav mênhx pêv têx thax tsav uô kôngz lông. Tsik tsês paz tỉnh hâur côngz xưv saiz car nôngz kôngz chos, chok nxiak nôngz jông, sâu tâu nju thiaz muôs tâu nhiax trâu tuz kôngz.