Trơưk tsov xav, coz nas chuô hloz số 3 zuôr lok trâu đruôz ar trâu 10 six tas cik hnuz 22/7. Tiv muôx coz nas chuô số 3 ruôr hiav, ntơưv tỉnh Sơn La ntux lok nas hloz, đêx huôv txix 80 - 150 mm, muôx têx qơư đêx tsênhv siaz yax 200 mm. Lar haik tỉnh saz kaz hnuz tuôx muôx 32 xã, phường nhoz thax tsav Yên Châu, Mộc Châu, Vân Hồ, Bắc Yên thiaz Phù Yên ntux lok nas hloz, đêx siaz txix 150 - 250 mm, muôx têx qơư đêx tsênhv siaz 300 mm. Txix hnuz 24 - 26/7, tiv coz nas chuô hloz số 3 ruôr hiav, ntơưv tỉnh Sơn La ntux tror lok nas hloz, têx qơư tsênhv pov yưv chuô đax chuô đuz đêx siaz txix 50 - 100 mm, muôx kror qơư đêx tsênhv siaz yax 50 mm. Tsov xav nziv ntux lok nas hloz đêx siaz yax 100 mm/3 six.

Ntơưv jias cơưv, têx thành viên Ban Chỉ huy Phòng thủ dân sự tưz tso tơưv iz cxia tsưr ziv tir tar, li: Bax tsôngv nênhs jor trơưr, chia paz pêx xênhv mas đêx cuôr hâur thax tsav muk nhoz đuô kror qơư. Đros trâu têx njưs tâur đêx, pak đêx tưz tso đêx, txuôs jông 40% đêx chia tok đêx ntưk lok hâur ntu pov yưv ntux nas hloz. Tror zênhx max cxiv tsa Ban Chỉ huy phòng thủ dân sự cấp xã, uô tiar hâux lưv tâu zok. Fuô lês têx tsưr ziv tir tar đêx nhaz trâu qơư kik. Tưx tsov xav têx tsưr ziv tir tar caz moz cik hâur ntu pov yưv thiaz tov kaz coz nas hloz muk đhâu...

Fuô luk ntơưv jias cơưv, đồng chí Nguyễn Thành Công cxiz cov Bộ Chỉ huy Quân sự tỉnh cxênhz yuôx, kria pâuz têx thax tsav cxiv tsa Ban Chỉ huy Phòng thủ dân sự. Cxiv tsa số xor tôngx chox car thôngz plơưk côngz xưv tir tar ntux hiav. Cias hâur hnuz 22/7, têx thax tsav tưz bax tsôngv nênhs muk trâu jêx jok cxênhz yuôx têx qơư nziv pov yưv đêx cuôr, đêx nhaz, ar puz cxuz chia nzor tso tơưv tsưr ziv yaik pêx xênhv muk qơư nhaz xênhz. Têx ngành, thax tsav jor trơưr hâur yênhx hnuz cxuô hmo hâur jias pov yưv coz nas chuô hloz số 3 thiaz chaix ntux nas 2025, grêk tsơưs têx cêr ruôr hiav lok sâuv tiz nênhs, pêx xênhv chuôz tav thiaz cxuô luz tsêr, txox cêr muk lok.