Trơưk báo cáo ntơưv Sở Kôngz lông thiaz Môi trường, txos hnuz 28/4 tưz taz nhav 14/14 hồ sơ dự án yaik pêx xênhv muk nhoz yiaz sir zôngv pênhr nhiax trung ương shông 2024, hur si yax 250 tỷ đaiv. Taz nhav 5/7 hồ sơ sir zôngv pênhr nhiax hâur thax tsav, hur si nhiax lês hâux lưv mal 183,4 tỷ đaiv. Têx dự án phênhv ntâu zos uô cêr yêz, laix kuô tsêr, chaz đêx, điện, cxiv puôz cưx ha tso đêx...

Txos nhiv no, tưz muôx 3/10 hồ sơ tâu cxênhz li: Dự án cxiv kho đuô tiểu khu 34, phường Đông Sang, thị xã Mộc Châu; dự án yaik pêx xênhv nhoz trâu Sàng Lay, xã Chiềng Phung, huyện Sông Mã thiaz dự án ntơưv jok Nhụng Trên, Nhụng dưới, xã Chiềng Nơi, huyện Mai Sơn. Đros ntơư, lês ntâuz ntơưr cxênhz yuôx 3/5 hồ sơ ntơưv huyện Mường La; 2 hồ sơ ntơưv têx huyện Thuận Châu thiaz Vân Hồ.

Têx cêr chor nhov hâur cxuô thax tsav nhiv no mak zos: Iz cxia dự án ntơưv huyện Thuận Châu thiaz Sông Mã tsênhv tsik tâu muôx txâuk nhiax pênhr chia lês hâux lưv; pêx xênhv tsik tâu txâuk siaz yaik muk nhoz trâu qơư yiaz; hâux lưv tuôr xav tus gri chia thêv nhiax yaik nhoz đuô qơư yiaz tsênhv kênhz.

Muôx luk ntơưv jias cơưv, đồng chí Nguyễn Đình Việt cxiz cov têx sở, ngành, UBND huyện, thị xã moz siaz siz khov lês cov tiar têx ntâuz ntơưr chia lês tâu sai hâux lưv cxênhz yuôx; zênhx max đơưk têx cêr phiv liv, chor nhov hâur ntu fuô lês; sir jos txos hnuz 15/6, lês tiar hâux lưv xair nênhs uô hâux lưv chia nzor piz fuô lês têx dự án. Tror zaz zâuv, gruô hu pêx xênhv muk nhoz trâu qơư nhaz xênhz.