Trơưk ntâuz ntơưr ntơưv Sở Tài chính, hur si nhiax zok lês hâux lưv têz qơưk shông 2025 ntơưv tỉnh mal 8.505 tỷ đaiv. Xav txos hnuz 30/10/2025, hur si tỉnh nhiv kruôr tâu muôz 3.493 tỷ đaiv, bâuv li 49,5% njuôk li nhiax tâu zok chia lês hâux lưv (6.870 tỷ đaiv).

Hâur jias cơưv, Sở Tài chính tưz kria pâuz hâux lưv cxiv tsav cêr tuôr xav muôz nhiax lês hâux lưv trâu cxuô dự án ntơưv têx tsưr cxưx nhiax. Têx đại biểu tưz cxênhz, kria pâuz têx cêr phiv liv, chor nhov thiaz luz cênhz uô trâu lês tsik tiar trơưk li cêr tuôr xav tưz tso tơưv. Luz cênhz mak zos: Chor nhov hâur côngz xưv thêv nhiax sâu ar tror kaz chia lês hâux lưv; shông 2025 ntux nas ntâu, uô phiv liv txos trâu hâux lưv…

Muôx luk jias no, đồng chí Nguyễn Minh Tiến, Phó Chủ tịch UBPX tỉnh, haik mênhx:Hâur shông 2025 tsik yuôr ntâu, muôz nhiax lês hâux lưv njiz ntâu cêr phiv liv. Đros ntơư, cxiz cov têx sở, ban, ngành, UBPX têx xã, phường thiaz têx tsưr cxưx nhiax zuôr tsuv saiz ntơư zos hâux lưv chính trị, zuôr tsuv moz siaz lês ntov nti, muôx phênhv shuôv.

Đồng chí Phó Chủ tịch UBPX tỉnh tưz haik mênhx hâux lưv tưz muôx qơư lês hâux lưv taz sik tsênhv tsik tâu muôz nhiax chia lês hâux lưv viv pênhr xưv thiaz phênhv shuôv ntơưv tsưr cxưx nhiax tsik cxiz têx đơn vị lês hâux lưv. Đồng chí cxiz cov cxuô thax tsav, đơn vị moz siaz lês ntov chai. Chox car têx ban saiz car dự án zuôr tsuv ntov đuô, tsuv cxênhz yuôx cias ntơưv qơư chia đơưk têx cêr phiv liv.

Đồng chí Phó Chủ tịch UBPX tỉnh haik tiak tỉnh zuôr sir jos lês tiar côngz xưv muôz nhiax lês hâux lưv têz qơưk shông 2025, cxơưz paz hâux lưv huôv tsar nhiax txiax - xã hội ntơưv tỉnh.