Jias no muôx têx đồng chí Phó Chủ tịch UBPX tỉnh: Nguyễn Thành Công, Đặng Ngọc Hậu thiaz thơưx car iz cxia sở, ban, ngành ntơưv tỉnh.

Fuô lês Nghị quyết Đại hội Đảng bộ tỉnh Sơn La jâus tiv 15, ntu 2021 - 2025, ngành Kôngz lông thiaz Por hưv đêx ar huôz chuô nyiaz hur tưz tsov xav tsưr ziv uô thiaz zênhx max saz lax trâu Tỉnh ủy, HĐPX, UBPX tỉnh tso tơưv 72 ntâuz ntơưr chox car uô trơưk cêr chai ntơưv tỉnh. Đros ntơư tâu zok sox njôngr, fuô lês 8 tsưr ziv huôv tsar nhiax txiax, xã hội li: Por hưv đêx ar huôz chuô nyiaz hur, xã tâu côngz jêx jok yiaz, đêx hur jêx jok, jôngr nzôngr nzông tox trôngz hâur pês, têx ziv pluôs.

Yênhx shông, ngành tưz moz siaz fuô lês têx hâux lưv tâu zok, paz uô tiar ntâu tsưr ziv huôv tsar kôngz lông thiaz por hưv đêx ar huôz chuô nyiaz hur: Sâu njux nhiax txiax GRDP kôngz lông, har jôngr, tsiax đêx xav fênhx đraz yax tâu 5%/shông; jôngr nzông zuôr luôs 48,5% har jôngr; yax 900 hợp tác xã kôngz lông tâu cxiv tsa thiaz uô nox muôx kaz hâu. Hâux lưv saiz car đêx ar thiaz têx zav muôx txơưv hâur đruôz ar, uô tâu ntâu kror muôx kaz hâu li: Côngz xưv tsov xav, tsưr ziv sir zôngv ar tâu fuô lês siz luôs jok txix tỉnh txos cxuô xã, phường; hâux lưv puz ntơưr côngz nhav vax huôv sir zôngv ar trâu pêx xênhv tâu yax 90%. Côngz xưv saiz car têx zav muôx txơưv nhoz hâur đruôz ar, lar haik suôz jêz, poz jêz cxiv puôz vax tsêr tâu lês tsik tsês, paz tâu zênhx max hâux lưv cxiv puôz vax tsêr, kriz cêr muk lok.

Ntơưv jias uô hâux lưv, têx đại biểu tưz moz siaz saz lax têx hâux lưv uô tâu cux li tsik tâu, cêr txov nhêv hâur fuô lês têx côngz xưv: Tsov xav, saiz car đêx ar thiaz njuôk tsov ntâuz cok chiav đêx ar; saiz car đêx ar huôz chuô nyiaz hur; cxiv tsa gri ar; sâu têx thax ar tsês đruôz mair; saiz car huôv tsar jêx jok. Côngz xưv bax cán bộ, qơư uô côngz xưv; nhiax fuô lês têx hâux lưv, đề án; côngz xưv hlôngr pâur số...

Fuô luk jias no, đồng chí Nguyễn Đình Việt cxiz cov Sở Kôngz lông thiaz por hưv đêx ar huôz chuô nyiaz hur moz siaz saz lax piar cấp muôx vax huôv uô tiar cêr chai thiaz cxênhx cxênhv saiz car fiv huv tsưr ziv 2 cấp. Tsov xav, saz lax cxiv tsa cêr chai thêv nhiax ar shôngz ntông, paz yaik qơư nhoz yiaz thâuv Têz qơưk thuk ar chia fuô lês têx dự án zov chênhr ntơưv tỉnh. Tsik so lês muôx kaz hâu côngz xưv saiz car têz qơưk lok sâuv khơưz poz jêz, suôz jêz cxiv puôz; fuô mênhx hâux lưv, cêr chai muôx vax huôv khơưz kror têx zav muôx nhoz đruôz ar. Uô jông côngz xưv tir, tar caz moz ơưk; tsik so saiz car por hưv huôv tsar jôngr thiaz tir tar hluôr tơưk cuz jôngr hâur thax tsav tỉnh...paz cxiv tsa nhiax txiax- xã hội ntơưv tỉnh muôx ntâu hlôngr yiaz hâur shông 2025 thiaz lar haik uô tiar tsưr ziv sâu nju 8% nhiax txiax.