Jias no muôx đồng chí Lê Hồng Minh, Phó Chủ tịch UBPX tỉnh; thơưx car iz cxia sở, ngành ntơưv tỉnh.

Fuô lês Hâux lưv paz pêx xênhv uô tsêr nhoz zos Chính phủ gruô hu shông 2025, huyện Mai Sơn muôx 523 ziv pluôs, ziv nênhs muôx côngz txov nhêv lok sâuv tsêr nhoz tsuv tâu paz uô, cxiv puôz yiaz 476 luz tsêr, cxiv kho 47 luz. Txos nhiv no, hur si huyện tưz uô tiar 100% tsưr ziv. Iz chas Têz qơưk paz yax 27 tỷ nhiax, huyện tsênhv gruô hu têx paz pơưs, tus nênhs siaz jông, pêx xênhv côngv tâu zuôr luôs 3 tỷ nhiax đros zuôr luôs 10.000 hnuz jos đrâu kuô tsêr, thâux chuôz zênhx muk lok.

Muôx luk jias cơưv, đồng chí Phó Chủ tịch UBPX tỉnh tưz kruôk kror tưx tsov xav tsưr ziv uô, muôx phaz nzưr, moz siaz cxơưz trâu côngz xưv paz pêx xênhv uô tsêr nhoz ntơưv têx cơ quan, đơn vị, tsêr luôv thiaz pêx xênhv hâur thax tsav huyện. Đồng chí cxiz cov huyện Mai Sơn txuôs jông têx hâux lưv uô tâu, tror cxênhz yuôx têx ziv nênhs muôx côngz, ziv pluôs, ziv txov nhêv lok sâuv tsêr nhoz; kriz đar têx tsưr ziv lês jông, muôx kaz hâu côngz xưv paz pêx xênhv uô tsêr nhoz; huôv tsar cêr thôngx siaz, tưx saiz car, thôngz ndâux luk; moz siaz gruô hu têx paz pơưs, tus khênhx côngv têk paz ziv pluôs, txov nhêv uô tsêr nhoz.

Ndax jias no, UBPX huyện Mai Sơn tưz puz ntơưr kruôk trâu 12 paz pơưs thiaz 32 tus khênhx lês jông côngz xưv paz pêx xênhv uô tsêr nhoz shông 2025.