Cà phê Arabica zos zav chos zov chênhr, paz sâu nju nhiax txiax ntơưv xã Muổi Nọi. Hur si xã nhiv no muôx 2.448 ha cà phê, txênhz yax 75% têx ntông chos ntêr shông, đros trâu yênhx cxênhz zis pêx xênhv côngv chos. Shông 2024 sâu tâu yax 16.200 tấn; fênhx đraz iz héc-ta sâu tâu txix 70–90 triệu đaiv, yênhx faz sâu nju nhiax txiax, paz trâu ntâu zis uô bluô nux cias ntơưv thax tsav.

Têx shông lok no, xã Muổi Nọi tưz cxiv tsa qơư chos - đê - muôs cà phê txix li tuz kôngz thiaz têx hợp tác xã, tsêr luôv sâu zuôr. Têx tsêr luôv, hợp tác xã zos qơư sơưr zov chênhr paz kria tuz kôngz tsưr ziv chos, tu, đê cà phê, đros ntơư kriz đar qơư muôs hax huv, paz trâu cà phê cà phê Muổi Nọi muôs tâu gri đuô.

Tuôr xav faz tsưr ziv yiaz cov huôv tsar truôx njês, xã Muổi Nọi taz tov tuôr xav qơư chos cà phê jông ntơưv 2.400 ha nhiv no muôx, sir jos kriz đar têx qơư chos txâuk chai VietGAP, hữu cơ, 4C, UTZ, chia cxiv tsa côngz bê “Cà phê Muổi Nọi - Arabica Sơn La” đros trâu kria pâuz qơư chos, ntơưr lo điện tử. Đros ntơư, thax tsav moz siaz gruô hu huôv tsar têx qơư jiaz cà phê tâu jông, cxiv tsa têx qơư huôv tsar homestay, hâux lưv đê siv cà phê - hâuk cà phê, cxơưz paz muôx nzir ntâu faz tsưr ziv huôv tsar nhiax txiax trâu pêx xênhv.

Muôx luk hâur Hnuz grâuv pax đê cà phê Arabica, đồng chí Nguyễn Thành Công, Phó Chủ tịch UBPX tỉnh cxiz cov xã Muổi Nọi tror nthuôr huôv jông têx zav muôx txơưv hâur thax tsav chia huôv tsar cà phê cov tâu jông đuô; paz trâu têx nênhs chos cà phê sâu nju nhiax txiax sir zôngv. Đros ntơư, moz siaz fuô kria, zaz zâuv pêx xênhv sir zôngv tsưr ziv yiaz lok chos, tu cà phê đros trâu por hưv đêx ar, huôz chuô nyiaz hur thiaz huôv tsar truôx njês.

Côngv hnuz grâuv pax đê cà phê Arabica jias tiv iz, shông 2025 muôx 21 paz tưr nhoz hâur têx jok thax tsav xã. Iz paz muôx 3 lênhx, siz tưr đê cà phê, têx paz tưr zuôr tsuv uô tiz jông đê cov tâu cà phê jông gâux, tsik muôx blôngx ntâu. Đros trâu cêr cxơưz jos ntơưv pêx xênhv thiaz kruô nuôv zax tưz paz trâu hnuz grâuv pax tâu kriz lov jêv ntưk.

Hâur jias no tsênhv kriz têx hâux lưv li: muôz cà phê "tuv cov tâu têx qơư jông gâux" zos têx yar cơưv hâur thax tsav xã lês; têx jok chos luk huôv tsar cà phê txâuk chai 4C thiaz tsik ntor har jôngr, tsik nav ar ar jông chia uô kôngz lông.

Hnuz grâuv pax đê cà phê Arabica jias tiv iz zos jias fuô kria têx đuôz, tsi njênhk tâu côngz bê cà phê Muổi Nọi; paz trâu têx tuz kôngz chos cà phê tâu siz njiz, siz chos cơưv shâuv tsưr ziv tu cà phê trơưk faz truôx njês.