Jias cơưv muôx têx đồng chí: Nguyễn Minh Tiến, Phó Chủ tịch UBPX tỉnh, Lưv thơưx Ban Chox car; Đào Tài Tuệ, Ủy viên Ban Thường vụ Tỉnh ủy, Giám đốc Sở Cxiv puôz; têx thành viên Ban Chox car; têx đơn vị fuô lês dự án.

Dự án muôz nhiax cxiv puôz txox cêr yêz muk chênhr Hòa Bình - Mộc Châu, ntu hâur thax tsav tỉnh Sơn La zos iz dự án zov chênhr, muôx txiax njis trâu hâux lưv huôv tsar nhiax txiax - xã hội ntơưv thax tsav thiaz Tây Bắc. Ntu cêr ntêr 32,3 km, hur si nhiax lês hâux lưv yax 4.445 tỷ đaiv, tâu muôz txix li nhiax ntơưv Trung ương thiaz ntơưv tỉnh. Dự án tâu lês txix shông 2023 txos shông 2028. Xav txos nhiv no, tưz lês tiar hâux lưv zok ar tâu 26,42 km/32,3 km. Lok sâuv lês hâux lưv, têx tsêr cxưx nhiax tưz bax cxix cxuô tiz nênhs, mair, chuôz zênhx chia lês hâux lưv, trơưk tuôr xav zuôr lês tiar trâu shông 2028. 

Hâur jias cơưv têx đại biểu tưz saz lax trâu têx njiaz luk: Hâux lưv zok ar chia lês nuv, têx thax tsav tsênhv njiz cêr phiv liv, chor nhov; khov cov đơưk têx cêr phiv liv mênhx pêv, trơưk đraiv cêr chai têz qơưk. Saz lax khov tsưr ziv kriz đar cêr yêz muk chênhr Hoà Bình - Mộc Châu txix li 2 hax yêz txos trâu 4 hax yêz, cxiv puôz cêr yêz muk chênhr Mộc Châu - Sơn La - Điện Biên...

Câuk luk jias cơưv, đồng chí Chủ tịch UBPX tỉnh cxiz cov têx sở, ngành, thax tsav, đơn vị cik txos tror tuôr xav hâux lưv fuô lês dự án cxiv puôz cêr yêz muk chênhr Hòa Bình - Mộc Châu, ntu hâur thax tsav tỉnh Sơn La zos hâux lưv chính trị zov chênhr, zuôr tsuv moz siaz lês ntov nti; tsik chia kênhz. Moz siaz cxênhz thax tsav chia đơưk zênhx max têx cêr phiv liv trơưk vax huôv, hâux lưv tâu zok. Moz siaz fuô kria, zaz zâuv pêx xênhv chia cov sơưr đơưk jông siaz lês trơưk.

Haik txos tsưr cxưx nhiax thiaz têx nênhs lês hâux lưv tror cxênhz đuô cêr tuôr xav lês hâux lưv, moz siaz bax tiz nênhs, chuôz zênhx lês hâux lưv trơưk njiaz luk zok ar txos tưs uô tiar txos cias ntơư; siz khov truôx khor đros thax tsav lês jông côngz xưv sâu ar tror kaz chia lês hâux lưv. Tror moz siaz cxênhz têx nhiax chia saz lax trâu UBND tỉnh báo cáo Bộ Tài chính, Thủ tướng Chính phủ saz lax paz nhiax txix li pênhr nhiax trung ương trâu tỉnh Sơn La chia kriz đar txox cêr Hoà Bình - Mộc Châu txix li 2 hax yêz txos trâu 4 hax yêz.

Haik txos dự án cxiv puôz cêr yêz muk chênhr ntu Mộc Châu - Sơn La - Điện Biên, đồng chí Chủ tịch UBPX tỉnh cxiz cov têx sở, ngành thiaz thax tsav cik txos cxênhz yuôx cov ntov nti chia lês têx hâux lưv tuôr xav bax cxix cxuô zav chia piz kriz lês trâu hnuz 19/5/2026.