Côngv cơưv muôx đồng chí Hà Trung Chiến, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh; Nguyễn Minh Tiến, Phó Chủ tịch UBPX tỉnh; thơưx car têx sở, ban, ngành ntơưv tỉnh đros trâu têx tsưr cxưx nhiax, đơn vị fuô kria lês dự án. Jias cơưv tâu kriz yưv tivi txos têx xã fuô lês dự án.

Txos hnuz 22/6, muôx 12/13 xã kria pâuz tưz lês tiar hâux lưv sâu ar tror kaz; 13/13 dự án taz tov sir jos uô cov tiar ntâuz ntơưr chia xa trâu Sở Cxiv puôz cxênhz yuôx; 6/13 dự án tưz tâu tso chai khơưz kuô tsêr, laix ar, muôx têx xã: Chiềng Sơn, Yên Sơn, Lóng Phiêng, Sốp Cộp, Mường Lạn thiaz Phiêng Khoài. Têx tsưr cxưx nhiax tưz lês tiar ntâuz ntơưr chia bax laix ar; 1 hồ sơ xa tuôx chia cxênhz yuôx tưz lês tiar phênhv ntâu têx hâux lưv, ntơư zos xã Lóng Sập.

Lok sâuv côngz xưv tso chai xair tsưr cxưx nhiax thiaz xair nênhs fuô kria, cxiv puôz, txos nhiv no, muôx 13/13 dự án tưz lês tiar. Hâu ntơư: 3 dự án Công an tỉnh uô tsưr cxưx nhiax; 3 dự án zos Bộ Chỉ huy Quân sự tỉnh muôz nhiax uô; 2 dự án Ban Saiz car dự án dân dụng công nghiệp thiaz huôv tsar đrôngs muôz nhiax uô; 5 dự án zos Ban saiz car dự án muôz nhiax cxiv puôz têx công trình kôngz lông thiaz huôv tsar jêx jok uô tsưr cxưx nhiax. Tưz muôz nhiax lês hâux lưv tâu 508 tỷ đaiv.

Muôx luk jias cơưv, đồng chí Chủ tịch UBPX tỉnh cxiz cov: Tsưr cxưx nhiax, đơn vị fuô kria zênhx max lês tiar ntâuz ntơưr xa trâu Sở Cxiv puôz cxênhz yuôx, tso chai lês trơưk đraiv cêr chai. Têx xã siz khov đros Trung tâm Huôv tsar ar tỉnh lês tiar hâux lưv thêv nhiax sâu ar tror kaz uô ntêx hnuz 5/2/2026; têx xã tsa tơưv tổ côngz xưv fuô lês têx hâux lưv cik txos dự án txix li cxiv puôz, txos trâu lês tiar chia muôz lok sir zôngv. Sở Cxiv puôz lês tiar hâux lưv cxênhz yuôx uô ntêx hnuz xiaz 5/2/2026. Đơn vị lês hâux lưv, tsưr muôz nhiax uô moz siaz siz chos uô dự án cov tâu jông.

Đồng chí Chủ tịch UBPX tỉnh haik mênhx, ntơư zos hâux lưv chính trị zov chênhr, Ban Chox car zuôr kriz cơưv hâur yênhx tuần chia đơưk têx cêr phiv liv, chor nhov, tsênhr cov lês tâu sai dự án.