Dự án cxiv puôz trôngx lôngs Lóng Sập, tỉnh Sơn La, yênhx trôngx lôngs ntiax têz muôx 3 zav hâux lưv zov chênhr: Laix ar trơưk cêr tuôr xav hâur ntâuz ntơưr; cxiv puôz cêr muk lok txâuk chai; lês têx hâux lưv txơưr. Tưz thêv nhiax trâu pêx xênhv tâu yax 3,2 tỷ đồng. Txos nhiv no, tưz lês tiar hâux lưv laix ar; hâux lưv uô cêr tâu yax 99%… Hâux lưv muôz nhiax lês nuv tâu 56,4%.

Haik txos côngz xưv paz uô tsêr nhoz ntơưv xã Lóng Sập, UBPX xã tưz lês hâux lưv cxênhz vax tsê, uô ntâuz ntơưr chia paz têx zis pluôs; đros ntơư, zaz zâuv pêx xênhv paz đas jos, chuôz zênhx cxiv puôz...Đhâu cxênhz muôx 14 zis txâuk chai paz uô tsêr nhoz. Nhiv no muôx 4 luz tsêr taz tov tâu cxiv puôz.

Tov kaz cxênhz yuôx thax tsav, đồng chí Đặng Ngọc Hậu cxiz cov Ban Chỉ huy Tuz lênhv đriv têz tỉnh siz khov đros têx sở, ban, ngành thiaz nov hâu thax tsav cxiz têx nênhs lês hâux lưv cov tâu sai. Lês tiar ntâuz ntơưr chia muôz nhiax lês hâux lưv. Xã Lóng Sập moz siaz paz têx zis txov nhêv uô tsêr nhoz trơưk cêr tuôr xav ntơưv UBPX tỉnh thiaz bax cêr tuôr xav lês hâur shông 2026. Đros ntơư, lực lượng biên phòng thiaz cấp ủy, nov hâu thax tsav tsuv moz siaz cxenehz yuôx thax tsav, lês jông hâux lưv saiz car, por hưv đriv têz cov truôx njês.