Jias uô hâux lưv muôx nov chox car iz cxia sở, ngành ntơưv tỉnh; hlôngr njêx muôs Công ty cổ phần chox nênhs muk uô hâux lưv trâu têz qơưk đrâuk Thương mại thiaz Nuôv zax  (TTLC); têx yar cơưv cao đẳng hâur thax tsav tỉnh. Jias uô hâux lưv tâu kriz đhâu ti vi thôngz cxuô huyện, thị xã, thành phố.

Trơưk xav shông 2025, tỉnh Sơn La sir jos chox tâu 200 lênhx muk uô hâux lưv trâu oz chas têz qơưk. Cxuô sở, ngành, cxuô qơư hâur tỉnh siz chos đros fuô lês siz luôs jok, têx hâux lưv no txix cấp tỉnh txos cxuô qơư; kriz ntâu trôngx luk kria, gruô hu, choz kria nghề cấp huyện, cấp xã thiaz cxuô jêx jok, tiểu khu ntơưv têx huyện: Thuận Châu, Sông Mã, Mường La, Sốp Cộp, Quỳnh Nhai, trâu yax 700 lênhx; muôx 20 lênhx zos têx nênhs xar muk uô hâux lưv trâu oz chas têz qơưk. Công ty cổ phần TTLC taz tov chox têx nênhs uô hâux lưv muk njuôk đas jos.

Ntơưv jias uô hâux lưv, Đ/c Đặng Ngọc Hậu cxiz cxuô sở, ngành, cxuô qơư tror trâu siaz fuô têx ntơưr chox car  ntơưv cxuô cấp lak sâuv chox nênhs muk uô hâux lưv trâu têz qơưk đrâuk; bax tsưr ziv choz kria, xair nênhs uô hâux lưv trơưk yênhx zav, lar haik mak shâuv xênhz thâuv tưr ntơưr tas. Fuô lês jông cêr chai muôz  nhiax trâu têx nênhs muk uô hâux lưv trâu têz qơưk đrâuk trơưk chos luk txaik trơưk đraiv chai; paz têx nênhs uô hâux lưv uô sai cxuô zav ntâuz ntơưr txaik nhiax muk uô hâux lưv trâu oz chas têz trơưk chos luk. Sir jos cov chox têx nênhs muk uô hâux lưv trâu têz qơưk đrâuk chôngz đuô xav trơưk chos luk shông 2025.