Jias cơưv muôx đồng chí Nguyễn Thành Công, Phó Chủ tịch UBPX tỉnh; thơưx car iz cxia sở, ngành cik txos. Jias cơưv tâu kriz yưv tivi txos têx UBPX têx huyện, thị xã.

Trơưk cxênhz ntơưv Sở Kôngz lông thiaz Môi trường, chia đơưk têx cêr phiv liv viv mas coz nas chuô số 2 thiaz số 3 hiav, UBPX tỉnh Sơn La tưz tso tơưv têx quyết định thiaz ntâuz ntơưr lês 21 dự án fuô lês hâur shông 2025 (dự án yaik pêx xênhv nhoz đuô qơư yiaz muôx 16 dự án; dự án đơưk têx cêr phiv liv viv ntux hiav muôx 5 dự án). Yaik 648 zis pêx xênhv nhoz trâu thax tsav huyện Bắc Yên, Thuận Châu, Mường La, Quỳnh Nhai, Vân Hồ, Mai Sơn, Sông Mã, Thuận Châu, Phù Yên thiaz thị xã Mộc Châu muk nhoz qơư yiaz nhaz xênhz; hur si nhiax lês hâux lưv tas yax 433,4 tỷ đaiv (Pênhr nhiax trung ương mal 250 tỷ đaiv, pênhr nhiax hâur thax tsav tas 183,4 tỷ đaiv).

Txos nhiv no, haik txos têx dự án sir zôngv pênhr nhiax trung ương, tưz muôx 12/14 hồ sơ dự án tâu taz nhav; 11/14 dự án tưz cxênhz yuôx thax tsav, yuôr 2 dự án tsik tâu xa ntâuz ntơưr muôx 1 dự án ntơưv huyện Vân Hồ thiaz 1 dự án ntơưv Quỳnh Nhai. Haik txos dự án sir zôngv pênhr nhiax ntơưv thax tsav, tưz taz nhav 5/7 hồ sơ, cxênhz yuôx 4/7 dự án; 1 dự án tsik tâu xa ntâuz ntơưr ntơưv huyện Bắc Yên.

Muôx luk ntơưv jias cơưv, đồng chí Nguyễn Đình Việt cxiz cov têx sở, ngành, UBPX huyện, thị xã moz siaz siz khov zênhx max lês tiar têx ntâuz ntơưr chia  cxênhz yuôx; zênhx max đơưk têx cêr phiv hâur ntu fuô lês; sir jos txos hnuz 15/6 lês tiar cxuô zav hâux lưv chia lês dự án. Haik txos dự án yaik pêx xênhv ntơưv xã Tà Xùa, huyện Bắc Yên, têx sở, ngành nzor cơưv chia muôx tsưr ziv por hưv cêr nhaz xênhz trâu pêx xênhv, fiv huv cêr tuôr xav huôv tsar ntơưv thax tsav. Tror lês jông côngz xưv zaz zâuv, fuô kria pêx xênhv nhoz qơư phiv liv muk nhoz trâu qơư yiaz nhaz xênhz, bluô ntov nti têx nênhs cxâuv chai, tso nênhs ntiar tsêr so hâur ntu ntux lok nas.