Hâur 5 shông đhâu, cxuô cấp hội pox niav tưz lês muôx kaz hâu cêr sik tưr “Cxiv tsa pox niav Việt Nam hâur ntu nênhx yiaz” đros trâu cxiv tsa pox niav Sơn La "Thôngx siaz, siz hluz, siz paz, muôx phaz nzưr, sir jos hla đhâu cêr txov nhêv" thiaz tsik tsês cơưv shâuv, uô trơưk siaz xav, tsiv txiax, chux pưv Hồ Chí Minh.

Têx cấp hội tưz fuô lês, txuôs jông 5.149 tsưr ziv txuôs sir zôngv nhiax trơưk li Zơưv Hloz Hôx xav hur si tưz côngv tâu yax 15 tỷ nhiax, muôz trâu zuôr luôs 8.000 hội viên pox niav txaik huôv tsar nhiax txiax; paz cxiv tsa 756 tsưr ziv huôv tsar nhiax txiax zos pox niav saiz car; sâu bê paz 3.330 ziv pox niav pluôs, jê cêr pluôs thiaz tưz muôx 870 ziv nênhs hla đhâu cêr pluôs trơưk cêr chai yiaz.

Fuô lês jias gruô hu “Cxiv tsa ziv nênhs 5 tsik muôx, 3 hur” trơưk Bộ tiêu chí xã jêx jok yiaz hâur thax tsav tỉnh, muôx 204 cơ sở hội sâu bê thiaz fuô lês 580 công trình/phênhv hâux lưv, paz cxiv tsa jêx jok yiaz thiaz đrôngs vav mênhx; paz 42.293 ziv nênhs uô tiar 8 tiêu chí; txuôs jông 78 tsưr ziv “Sâu hlơưr por tsês khâuz nhaz hnaz zak zưr” muôx 2.730 lênhx; 152 tsưr ziv phaiz hov khâuz nhaz cias ntơưv qơư muôx 11.583 lênhx. Siz chos fuô lês dự án “Cxơưz pox niav txir nênhx vax huôv siz luôs đhâu hlôngr yiaz muôx kaz hâu hâux lưv huôv tsar nhiax txiax kôngz lông thiaz huôv tsar nuôv zax trâu tỉnh Lào Cai thiaz tỉnh Sơn La” muôx 11.805 pox niav muôx liv.

Txix têx hâux lưv uô tâu, 5 shông đhâu, Trung ương Hội Pox niav Việt Nam tưz puz ntơưr kruôk trâu 141 paz pơưs thiaz 37 tus khênhx; UBPX tỉnh puz ntơưr kruôk trâu 31 paz pơưs thiaz 39 tus khênhx; têx ngành puz ntơưr kruôk trâu 41 paz pơưs, 102 tus khênhx; Hội Liên hiệp Pox niav tỉnh puz ntơưr kruôk trâu 297 paz pơưs thiaz 578 tus khênhx.

Fuô luk jias no, đồng chí Đinh Thị Bích Thảo cxiz cov Hội Liên hiệp Pox niav tỉnh tror tsi njênhk ndâux luk chox car ntơưv Trung ương Hội thiaz Tỉnh ủy chia uô jông côngz xưv hội; choz kria siaz xav, pâuz mênhx thax tsav, fuô lês đêz đar muôx kaz hâu têx cêr sik tưr thiaz huôv tsar nhiax txiax xã hội thiaz têx hâux lưv chính trị hâur thax tsav, đơn vị. Tsik tsês fuô kria đêz đar têx paz pơưs, tus khênhx gruôs uô hâux lưv jông, xav tơưv tsưr ziv fuô lês muôx phaz nzưr têx cêr sik tưr...

Ndax jias no, Ban Thường vụ Hội Liên hiệp Pox niav tỉnh tưz puz ntơưr kruôk trâu 15 paz pơưs thiaz 30 tus khênhx lês jông cêr sik tưr nhiav têz nhiav qơư ntu 2020-2025.