Côngv trâu jâus kriz muôx đồng chí Ủy viên Bộ Chính trị, Bí thư Trung ương Đảng, Ủy viên Trung ương Đảng; thơưx car, kuz thơưx car Đảng, Têz qơưk; thơưx car bộ, ban ngành, cơ quan Trung ương; ntâu têx tập đoàn, tổng công ty, tsêr luôv; hlôngr njêx muôs pêx xênhv nhoz oz chas têz qơưk; têx cơ quan hlôngr njêx muôs oz chas têz qơưk siz khov, paz pơưs ntiax têz.

Saz tỉnh Sơn La, côngv jâus kriz tso đuôz, zênhx zav muôx đồng chí Lò Minh Hùng, Phó Bí thư Thường trực Tỉnh uỷ; thơưx car iz cxia sở, ban, ngành ntơưv tỉnh.

Tso đuôz, zênhx zav tâu kriz jông yax, lox yax ntu đhâu lol, muôx cxix cxuô têx bộ, cơ quan trung ương, 34 tỉnh, thành phố thiaz yax 110 tsêr luôv, tập đoàn huôv tsar nhiax txiax hâur têz qơưk đros trâu yax 230 qar huv xav nduô đar ntơưv Trung tâm tso đuôz zênhx zav (hâur Tsêr Nhà tênhz tso Kim Quy thiaz thax tsav tso đuôz zênhx zav đrâuv jôngr nhoz plâuz yar tiax Đông, Tây, Nam, Bắc).

Tso đuôz zênhx zav kria txos zuôr luôs 180 ngành nghề uô tâu trâu cxuô zav txix li têx đuôz, ntâuz ntơưr, chuôz zênhx, mair cxuô zav, jax sâu haik txos cxuô zav uô tâu hâur “80 shông Ntu cxiv tsa tâu têx Thax zênhz - Zưx nhiak - Yar ntux" ntơưv hair nênhs txix li Đảng chox car; đros ntơư, lês jông têx txux chi cênhz cưv, pêx xênhv, tsêr luôv hâur hur si têz qơưk gruôs khưr, uô kôngz lông lax luôv sâu tâu nju, tsêr luôv; lar haik mal kria txos têx đuôz têz qơưk thiaz pêx xênhv Việt Nam đros trâu ntu truôx siaz bo cxiv tsa têz qơưk ntơưv pêx xênhv cxuô hair nênhs; têx txux chi hair nênhs thiaz thôngz iz trôngs lul muôx ntâu tsar zav hur si 54 hair nênhs; muôx ntâu tsar zav hâur hur si 3 tos hâur têz qơưk; cêr huôv tsar, hlôngr yiaz ntơưv hur si têx bộ, ban, ngành, 34 tỉnh, thành phố hâur 80 shông đhâu.

Muôx lul ntơưv jâus kriz tso đuôz, zênhx zav Thủ tướng Phạm Minh Chính tưz haik: Kriz tso đuôz, zênhx zav jâus no, tsik zos têx tưz uô tâu, mal tsênhv zos chinhv chưr lox hloz ntơưv ngành công nghiệp txux chi, công nghiệp muôx ntâu zav thiaz tsưr ziv hlôngr yiaz ntơưv nênhs Việt Nam lol sâuv kror siz nduôs fiv huv, lês tâu jông njiaz chính trị - nhiax txiax - txux chi iz txưv muôx - cênhz cưv đros trâu tsưr ziv lês fiv huv, chok nxias nux gri txux chi Việt, kror muôx liv lol sâuv cêr luôv hlôngr yiaz uô tơưv hax huv Việt Nam, paz iz phênhv tưs cxơưz huôv tsar têz qơưk sai thiaz truôx njês.

Thủ tướng cxiz Bộ Văn hóa, Thể thao thiaz Nuôv zax chox car đros têx bộ, ngành, thax tsav thiaz têx tsêr luôv tror bax jông cxuô zav kriz tâu jông yax têx hâux lưv tso đuôz, zênhx zav, txux chi sênhr chêr, jâus kriz cơưv, siz njiz, siz chos cơưv shâuv, kriz siz thav siz chos saz lax... chia pêx xênhv hâur têz qơưk, fôngx zưs ntiax têz tâu saiz, pâuz, shir phaz trâu têx hâux lưv uô tâu hâur têz qơưk thiaz tâu saiz têx hâux lưv uô tâu ntơưv Trung tâm tso đuôz, zênhx zav Têz qơưk li iz kro pir txưr ntơưv Thủ đô thiaz hur si têz qơưk. 

Đros trâu 34 tỉnh, thành hâur hur si têz qơưk, tỉnh Sơn La muôx iz qar kria txos cxuô zav jông, đros njiaz lul "Sơn La - Têx zav uô tâu, têx txux chi thiaz cêr nyơư huôv tsar". Qar tênhz tso têx zav chuôz zênhx, đuôz zênhx zav, tsưr ziv, đros muôx sênhr chêr txux chi thiaz têx chuôz zênhx cênhz cưv ntơưv cxuô hair nênhs Sơn La; đros ntơư zôngv công nghệ số, li: Kriz đuôz trâu nênhs tâuv têk saiz cxuô zav, ti vi lox, tâu hênh tâuv têk, muôx suôz... chia saiz uô đuô têx zav, kriz fuô kria thiaz saiz cxuô zav đuôz jông tỉnh Sơn La - iz trôngx têx nto mông cxiv tsa têz qơưk, txux chi taz tov yênhx đrôngs huôv tsar nhiax txiax txix li uô kôngz lông njuôz, kror qơư jông trâu kruô nhiav tuôx uô ntêx hlo hâur ntiax têz hâur ntu đros oz chas têz qơưk kriz cêr luôv thiaz huôv tsar.

Tso đuôz zênhx đros cxuô zav têz qơưk uô tâu hâur “80 shông cxiv tsa cêr Thax zênhz - Zưx nhiak - Yar ntux” zuôr kriz txix hnuz 28/8 txos hnuz xiaz 5/9/2025.