Jias nthuôr ntâuz ntơưr tâu phaiz uô pêz phênhv: Têx cênhz cưv tsênhv chênhz lok sâuv đêx ar tỉnh Sơn La; Sơn La - Ntu tir ntâuk por hưv nov hâu thiaz cxiv tsa têz qơưk; Sơn La - Ntu hlôngr yiaz thiaz huôv tsar. Zuôr luôs 200 hov ntâuz ntơưr, đuôz, đaiv ntâuz cok chiav đêx ar muôx txiax njis tâu xair tsov, kria pâuz hur si hâux lưv cxiv tsa, huôv tsar tỉnh Sơn La đhâu têx ntu. Têx đuôz, ntâuz ntơưr lok sâuv nhiax txiax- xã hội, choz kria ntơưr, kho moz, tsưx truôx thax tsav nhoz njias to, đros luôs oz chas têz siz khov kriz cêr lax luôv, đros puôr fênhx txux chi ntơưv 12 hair nênhs kria pâuz têx hâux lưv uô tâu hâur zuôr luôs 40 shông hlôngr yiaz. Têx kror lês tâu hâur cxuô zav hâux lưv zos qơư chuôz zov chênhr chia paz Sơn La tror huôv tsar njuôz, sai, truôx njês.

Fuô luk ntơưv jias kriz, đồng chí Đặng Ngọc Hậu, Phó Chủ tịch UBPX tỉnh, cxiz cov: Ngành Nội vụ, Trung tâm Khơưs tsês ntâuz ntơưr cênhz cưv tỉnh tsuv tsik tsês sir zôngv chuôz zênhx số, cxiv tsa qơư khơưs tsês ntâuz ntơưr điện tử, sir jos cxiv tsa tâu "Qơư tsưx tsês ntâuz ntơưr số" paz max trâu cán bộ thiaz pêx xênhv zôngx ziv zok nriar tâu ntâuz ntơưr; tưx tsov xav tsưr ziv tsik tsês kriz nthuôr chuyên đề, gra ntâuz ntơưr tsưx tsês lok jê đuô pêx xênhv. Cxuô sở, ngành, thax tsav siz chos khơưs tsês, sir zôngv ntâuz ntơưr tsưx tsês, saiz ntơư zos ntâuz ntơưr zov chênhr paz zênhx max trâu hâux lưv tsov xav, tuôr xav cêr chai, choz kria cênhz cưv.

Đồng chí cux cxiz cov têx cơ quan sâu xor, fuô luk, tổ chức đoàn thể, lar haik Đoàn Thanh niên thiaz ngành Choz kria ntơưr moz siaz zaz zâuv, huôv tsar ntâuz ntơưr tsưx tsês kror muôx gri txos fâuv hluôk; gruô hu pêx xênhv, shuv xênhz, sinh viên muk ndis shuôk chia pâuz mênhx, saiz hloz thiaz huôv tsar puôr fênhx tsưx tsês kror muôx gri thiaz zos nênhs kria trâu pêx xênhv jêx jok côngv pâuz.