Ntơưv zos Yar cơưv liên cấp thơưx hlo hâur hur si 13 yar cơưv tâu fuô lês hâur tỉnh Sơn La trơưk Câuk luk số 81-TB/TW ntơưv Bộ Chính trị lok sâuv cêr chai cxiv puôz yar cơưv trâu têx xã đriv têz; zos iz hâur 100 yar cơưv tâu cxiv puôz yiaz chia kria pâuz têx zav lês tâu thiaz tsik tâu chia kriz đar hâur hur si têz qơưk. Công trình fiv huv chia Saiz hloz 80 shông hnuz tsa tâu têz qơưk Cộng hòa xã hội chủ nghĩa Việt Nam thiaz 130 shông hnuz tsa yênhx tỉnh Sơn La.

Jias no muôx têx đồng chí: Tòng Thị Phóng, kuz Ủy viên Bộ Chính trị, kuz Phó Chủ tịch Thường trực Quốc hội, kuz Bí thư Tỉnh ủy Sơn La; Hoàng Quốc Khánh, Bí thư Tỉnh ủy; Cuôv Xênhv Tsaz, Ủy viên Ban Thường vụ Tỉnh ủy, Phó Chủ tịch HĐPX tỉnh; Xuân Xênhv Tsaz, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh; Thiếu tướng Đặng Trọng Cường, Ủy viên Ban Thường vụ Tỉnh ủy, Giám đốc Công an tỉnh; têx đồng chí Uỷ viên Ban Thường vụ Tỉnh uỷ; thơưx car iz cxia sở, ban, ngành ntơưv tỉnh thiaz xã Phiêng Khoài; đros chôngz lênhx pêx xênhv, cưk kria thiaz shâuv xênhz thax tsav xã Phiêng Khoài.

Jias no, thơưx car Công an tỉnh – đơn vị cxưx nhiax lês Dự án tưz kria têx hâux lưv hâur công trình. Yar cơưv phổ thông nội trú liên cấp Tiểu học - Trung học cơ sở xã Phiêng Khoài tâu cxiv puôz ntơưv đrôngs xã, tuôr xav đar 5 ha, txâuk trâu yax 1.200 lênhx shâuv xênhz cơưv, nox nhoz. Công trình muôx ntâu têx qơư jông li: Tsêr cơưv ntơưr, qar cơưv bộ môn, qơư nhênhv ntơưr, tsêr uô hâux lưv trâu ban giám hiệu; tsêr trâu cưk kria, shâuv xênhz nhoz; tsêr mor thiaz tsêr uô si, yar tiax thể thao thiaz têx hâux lưv txơưr… fiv huv trâu hâux lưv choz kria thiaz cơưv ntơưr.

Muôx luk jias no, đồng chí Xuân Xênhv Tsaz, Phó Chủ tịch Thường trực UBPX tỉnh, haik mênhx: Hâux lưv muôz nhiax cxiv puôz yar cơưv ntơưv đriv têz zos cêr chai muôx txiax njis ntơưv Đảng thiaz Têz qơưk, zos kror moz siaz txos pêx xênhv nhoz trâu thax tsav tox siaz, đriv têz. Hâux lưv cxiv puôz têx yar cơưv nội trú tưz tsik zos paz choz kria ntơưr cov tâu jông đuô xưz, mak tsênhv zos faz tsưr ziv choz kria tâu têx cán bộ, công chức coz trâu thax tsav, cxơưz paz por hưv thax tsav đriv têz nox nhoz njias to.

Chia cov yar cơưv tâu cxiv puôz tiar trơưk cêr tuôr xav, đồng chí Xuân Xênhv Tsaz cxiz cov cxuô cấp, ngành thiaz nov hâu thax tsav siz khov truôx khor đros Công an tỉnh, đơn vị tâu zok uô tsưr cxưx nhiax chia lês hâux lưv. Têx nênhs cxênhz yuôx zuôr tsuv lês hâux lưv muôx phênhv shuôv siaz, saiz ntơư tưz tsik zos iz dự án cxiv puôz xưz, mak tsênhv zos kror qơư tâu pêx xênhv nhoz trâu đriv têz txox cêr chia siaz, zuôr tsuv cxiv puôz cov txâuk chai, tâu jông. Cấp ủy, nov hâu xã Phiêng Khoài tror moz siaz, lês jông côngz xưv choz kria phổ thông thiaz cxơưz paz cêr cơưv shâuv, lês hâux lưv cxiv puôz yar cơưv đros hâux lưv tsưx truôx pêx xênhv cxuô hair nênhs têx txux chi jông, “kria ntơưr đros đraiv hâux lưv kruôz kria tiz nênhs”, choz kria cêr nhiav têz nhiav qơư. Njênhs tiak, txix cêr kror moz siaz hâur hur si ndêx ntus chính trị thiaz kror thôngx siaz ntơưv pêx xênhv, Yar cơưv phổ thông nội trú liên cấp TH-THCS xã Phiêng Khoài zuôr cxiv puôz tiar trơưl đraiv cêr tuôr xav, zuôr yênhx "yar cơưv jông ntơưv thax tsav đriv têz", paz choz kria trâu jông têx shâuv xênhz nhoz thax tsav đriv têz, paz choz kria tâu têx nênhs coz, muôx pênhr xưv, nhiav têz nhiav qơư.

Cias tov kaz ntơư, têx đại biểu tưz lês hâux lưv piz cxiv puôz Yar cơưv Phổ thông nội trú liên cấp Tiểu học - Trung học cơ sở xã Phiêng Khoài.