Tov kaz iz hnuz siz tưr, Jias tưr “Nênhs txơưx fuô lul coz” cấp tỉnh shông 2024 tưz yênhx côngz. 12 paz tưr nơưv Hội Tuz kôngz 12 huyện, thành phố tưz tưr 3 phênhv tưr: Kria zuk paz tưr trâu sơưr đơưk pâuz; tưr pâuz tsưr ziv thiaz pênhr xưv.

Ntơưv jias tưr kria zuk paz tưr trâu sơưr đơưk pâuz, têx paz tưr tưz uô tiz jông nthuôr đros trâu njiaz luk lês hâux lưv hội thiaz cêr siz tưr tuz kôngz ntơưv cxuô thax tsav.

Haik txos phênhv tưr cêr pâuz, têx paz tưr tưz têz têx lo luk nus lok sâuv têx cêr chai ntơưv Đảng, têz qơưk cik txos kôngz lông, jêx jok; hlôngr yiaz tsưr ziv lês hâux lưv hội fiv huv hâux lưv hâur ntu nênhx yiaz thiaz têx nghị quyết, cêr tuôr xav ntơưv thax tsav; fiv huv cênh cưv ntơưv Hội Tuz kôngz Việt Nam, Hội Tuz kôngz tỉnh thiaz têx cêr siz tưr ntơưv tuz kôngz.

Phênhv tưr cêr pâuz, gruô hu tâu chôngz lênhx nênhs côngv cxơưz jos. Đhâu hâux lưv nthuôr txux chi sâuv sav thiax, têx paz tưr tưz nthuôr zuk têx txux chi, pênhr xưv hâur lês côngz xưv hội; kria pâuz têx hâux lưv phiv liv, chor nhov hâur lês côngz xưv hội thiaz cêr siz tưr hâur côngz xưv hội. Đros ntơư, muôx têx tsưr ziv fuô kria, zaz zâuv pêx xênhv đơưk têx cêr phiv liv, yax hlo zos hâux lưv cxiv tsa jêx jok yiaz, txo tsơưs cêr pluôs, hlôngr pâur số hâur uô kôngz lông, muôs kôngz txir nox…

Suôx câuv jias tưr, Ban tổ chức tưz muôz giải iz trâu paz tưr Hội Tuz kôngz huyện Mai Sơn; muôz giải oz trâu paz tưr Hội Tuz kôngz huyện Yên Châu thiaz huyện Thuận Châu; muôz 3 giải pêz thiaz 6 giải cxơưz jos trâu têx paz tưr; muôz 2 txơưr trâu têx paz tưr.