Jias no, muôx đồng chí Xuân Xênhv Tsaz, Ủy viên Ban Thường vụ Tỉnh ủy, Phó Chủ tịch Thường trực UBPX tỉnh; thơưx car iz cxia sở, ban, ngành, UBPX Thành phố.

Uô ntêx kriz jias muôz nhiax, têx đại biểu thiaz têx shuv xênhz tâu muôz nhiax paz cêr cơưv shâuv Tô Hiệu tưz muk hlơưr shaz ndo txiax njis têx liệt sĩ ntơưv Tiax nxa Liệt sĩ Tsêr tux Sơn La.

Pênhr nhiax cxơưz paz cêr cơưv shâuv Tô Hiệu tâu cxiv tsa txix hnuz xiaz 10/1/2019 trơưk Quyết định số 82/QĐ-UBPX ntơưv UBPX tỉnh Sơn La. Txos nhiv no, nhiax muôx bê Liệt sĩ Tô Hiệu tâu yax 16 tỷ đaiv. Iz chas kruôk têx shuv xênhz cxuô cấp cơưv tâu coz, Pênhr nhiax tsênhv kriz kruôk têx nênhs lâuk cơưv shâuv coz, nênhs nghiên cứu khoa học tâu jông, têx vận động viên tưr tâu siaz, nênhs lâuk muôx côngz cxơưz paz cêr cơưv shâuv. 6 shông đhâu, Hội đồng saiz car Pênhr tưz muôz 5.446 lưv kruôk, hur si nhiax tas yax 4 tỷ đaiv thiaz muôz puz 367 luz yêz câux vaz.

Muôx luk ntơưv jias muôz nhiax trâu têx shuv xênhz, đồng chí Xuân Xênhv Tsaz tưz uô tsâus txos têx paz pơưs, tus khênhx tưz paz trâu Pênhr nhiax cxơưz paz cêr cơưv shâuv Tô Hiệu chia cov lês hâux lưv tâu jông, cxơưz paz lês tâu jông cêr siz tưr cxơưz paz cêr cơưv shâuv, cxiv tsa xã hội cơưv shâuv hâur thax tsav tỉnh. Phôngv côngz trâu têx shuv xênhz tâu nhav nhiax paz cêr cơưv Tô Hiệu, đồng chí xar cov têx shuv xênhz tror moz siaz cơưv shâuv cov tâu jông đuô, yênhx têx nênhs tsiv txiax, cxơưz paz cxiv tsa thax tsav Sơn La zênhv hnuz zênhv bluô nux, jông jav.

Hội Cxơưz paz cêr cơưv shâuv tỉnh tưz muôz ntơưr kruôk trâu 34 lênhx shuv xênhz tưr tâu giải hâur jias tưr coz têz qơưk shông cơưv 2024-2025; puz 113 poz nhiax trâu têx shuv xênhz moz siaz cơưv ntơưr coz ntơưv têx yar cơưv muôx bê Tô Hiệu, hur si nhiax tas yax 82 triệu đaiv; muôz ntơưr kruôk muôx bê cxơưz paz cêr cơưv shâuv trâu têx paz pơưs, tus khênhx tưz côngv trâu Pênhr cxơưz paz cêr cơưv shâuv Tô Hiệu.