Đros trâu njiaz luk “Côngz bê njuôz - Hax huv txơưr hlo ntơưv têz qơưk Việt” Hâux lưv sir zôngv têx hax huv tsik hiav txos đêx ar, huôz chuô zos hâux lưv kriz trơưk chaix zos Báo Sài gòn Giải phóng thiaz Saigon Co.op kriz thiaz fuô lês tâu 15 shông. Sir zôngv têx hax huv tsik hiav txos đêx ar, huôz chuô tưz yênhx hâux lưv nto mông đêz đar hâur hur si têz qơưk; cxơưz paz kriz đar qơư muôs hax huv trâu têx tsêr luôv.

Ntơưv jias tso yar, ntâu têx hax huv muôx côngz bê txâuk chai chia muôs muk trâu oz chas têz tưz fuô kria hax huv txos trâu têx nênhs sir zôngv đhâu têx qar tuv hax huv muôx mã QR. Ntơư zos hâux lưv yiaz hâur jias kriz shông no - txix ntơư paz kria tâu jông côngz bê thiaz muôs tâu têx hax huv jông.

Tỉnh Sơn La tưz fuô kria trâu têx đại biểu, nênhs sir zôngv ntơưv Thành phố Hồ Chí Minh txir khơưz kaz jiz Sơn La.

Tưz tsik zos hâur kror qơư muôs xưz, jias no tsênhv fuô lês hâux lưv kriz qar huv txix hnuz xiaz 5-6 txos hnuz 30-6, chox têx kruô muk shuôk qơư lês hâux lưv ntơưv têx tsêr luôv, cxơưz paz cxaz nzir cêr njênhs thiaz lês hâux lưv muôx phênhv shuôv.

 Muôx luk ntơưv jias tso yar, đồng chí Nguyễn Thành Công, Phó Chủ tịch UBPX tỉnh Sơn La tưz fuô kria lok sâuv têx zav muôx txơưv jông ntơưv tsav chos ntông nox txir ntâu yax ntơưv saz Kâuv têz ntơưv tỉnh Sơn La thiaz haik mênhx: Ntâu shông đhâu, tỉnh Sơn La puôr lênhx đros đraiv têx qơư muôs hax huv li Saigon Co.op, Big C... muôs hax huv txos trâu têx tỉnh, thành hâur hur si têz qơưk. Tỉnh Sơn La xar cov đros trâu yax 800 kror qơư muôs huv ntơưv Saigon Co.op hâur hur si têz qơưk zuôr tror đros tỉnh Sơn La muôs têx hax huv kôngz, txir nox, hâu ntơư muôx têx txir li: Txir khơưz kaz jiz, mor môngk thiaz lưv tsiz… chia muôz têx hax huv ntơưv tỉnh Sơn La muôs trâu têx nênhs sir zôngv hâur têz qơưk.