Lês chox car ntơưv Thủ tướng Chính phủ lok sâuv jâus sir jos tir tar, thair cêr, txo cov tsơưs nênhs muôs huv zuôv chai, nox toz hâu, uô lax luôv huv chuôr, hiav txox vax huôv nênhs xav tơưv têx tsưr ziv, tỉnh Sơn La tưz tsa tơưv paz côngz xưv, cxiv tsa cêr xav fuô lês; tsa têx paz nênhs siz côngv cxênhz yuôx fuô lês jâus uô nuv trâu thax tsav tỉnh.

Ntơưv jâus cơưv, têx thành viên Paz côngz xưv 1181 tưz saz lax, muôx luk trâu cêr chai uô nuv, txiar txiv lok sâuv tsa tơưv Paz cxênhz yuôx siz côngv ngành thiaz cêr xav sir jos tir tar nênhs muôs huv zuôv chai, nox toz hâu lax luôv, huv chuôv, hiav txos  vax huôv nênhs xuz xav tơưv txux chi tsưr ziv thax tsav tỉnh Sơn La. Taix khov cxiv tsa cêr xav mênhx pêv cxênhz yuôx trơưk thax  tsav, thax qơư, chok nxiak côngz  xưv cxênhz yuôx, cxênhz tâu muôx liv, tsik chia siz yôngx; phaiz hâux lưv mênhx pêv trâu têx ngành thành viên Paz côngz xưv tso têx paz nênhs muk cxênhz yuôx chuyên đề, chuyên ngành trơưk ngành faz cov fiv huv zuk thax tsav; huôv nzir hâux lưv sơưr đơưk lês, sox nyik pêx xênhv txix tso ntơưr phiếu đis, kria lok sâuv têx cêr zuôv chai; tsik tsês sox nyik têx nênhs muôx côngz nto bê muôx kror đror thâuv yâu mông kria têx hax huv…

Fuô luk ntơưv jâus cơưv, đồng chí Nguyễn Thành Công cxiz cov Sở Công Thương thiaz têx đơn vị thành viên tsi njênhk hâux lưv chuyên môn tâu zok, xair tsov têx hâux lưv tsênhv chênhz chia taix khov cêr xav tsênhz mênhx, mênhx pêv ntơưv ngành hâur côngz xưv phax tar huv chuôr, huv đos đis, nox toz hâu lax luôv thiaz têx cêr zuôv chai hiav txos vax huôv xuz xav tơưv txux chi tsưr ziv. Sở Công Thương sâu hur si chia cxiv tsa uô cê ntơưv tỉnh, hâur ntơư lok sik moz siaz xuz tu têx txơưr viv muôx yưv, taz tov tâu sơưr đơưk hur si xã hội moz siaz txos.