Ntơưv jias saiz hloz, têx đại biểu tưz côngv yaz đuô Sư đoàn 391 cênhz cưv. 50 shông đrav ntêx, hnuz 15/3/1975, Sư đoàn 341B tâu cxiv tsa ntơưv xã Yên Thành, huyện Yên Mô, tỉnh Ninh Bình, muôx 3 trung đoàn, 4 tiểu đoàn thiaz têx đại đội tâu saiz car. Cias tov kaz cxiv tsa, Sư đoàn 341B tưz muk tir ntâuk zênhx tros txênhz tâu vax huôv lok trâu tỉnh Khánh Hòa thiaz tỉnh Bà Rịa - Vũng Tàu. Uô kaz ntơưr tror zos tsôngv nênhs zov chênhr bax trâu Jias tir ntâuk tsav tros chaix Ntux yiaz shông 1975. Thâuv Kaz têz tiax tuk thax zênhz, Sư đoàn tâu tso muk uô hâux lưv ntơưv Tổng cục cxiv puôz nhiax txiax, phênhv ntâu mak cxiv kho txox cêr chiar hlâu Thống Nhất ntu muk đhâu tỉnh Quảng Bình.

Shông 1977, Sư đoàn muôx đuô luz bê yiaz hu uô Sư đoàn 391 tâu Binh đoàn 12 saiz car. Fuô lês ntâu hâux lưv zov chênhr li: Tsưx truôx đriv têz saz Kâuv têz nhoz njias to, kriz cêr muk lok têz qơưk Lok Tsuôk thiaz têx  tỉnh Sơn La, Điện Biên, kriz txox cêr lox 279. Tov kaz uô tiar têx hâux lưv, Sư đoàn tưz grêk tsơưs tiz nênhs yênhx Lữ đoàn 391 thiaz tâu tso tsês trâu shông 1990.

Đhâu 15 shông cxiv tsa thiaz huôv tsar, cán bộ, chiến sĩ Sư đoàn 391 puôr lênhx hla đhâu cêr txov nhêv, uô tiar jông hâux lưv Đảng thiaz pêx xênhv zok.

Tror lok tsêr uô nênhx nhoz, nhiv no, Hội Cựu chiến binh Sư đoàn 391, ntơưv thành phố Sơn La muôx 30 hội viên tror cxơưz cênhz cưv tsiv txiax "Tuz lênhv Zơưv Côngz Hôx", moz siaz zaz zâuv, gruô hu, đros mê nhuôv xênhz nzưr txơưx huôv tsar kôngz lông, nhiax txiax, lês thax tsav têx hâux lưv thiaz cêr sik tưr muôx kaz hâu.