Jias gruô hu tâu kriz yưv tivi txos trâu têx huyện ủy, thị ủy, thành ủy, Đảng ủy Khối têx cơ quan thiaz tsêr luôv tỉnh, têx xã, phường, thị trấn hâur tỉnh.

Nhiax paz cêr cơưv shâuv Tô Hiệu tâu cxiv tsa txix hnuz xiaz 10/1/2019 trơưk Quyết định số 82/QĐ-UBPX ntơưv UBPX tỉnh Sơn La. Nhiax paz cêr cơưv shâuv muôx bê tus nênhs cxiv tsa têz qơưk, Liệt sĩ Tô Hiệu, txos nhiv no Nhiax muôx yax 16 tỷ đaiv. 6 shông, Hội đồng saiz car Nhiax tưz muôz 5.199 jâus nhiax puz shuv xênhz, xav hur si nhiax tas yax 3,9 tỷ đaiv. Nhiax paz cêr cơưv shâuv Tô Hiệu tưz kriz đar têx nênhs tâu paz, tưz tsik zos kruôk têx shuv xênhz cxuô cấp xưz, tsênhv kruôk têx nênhs lâuk muôx ntâu cêr paz trâu hâux lưv cơưv shâuv.

UBPX tỉnh gruô hu têx nênhs siaz đơưz ntơưv têx cơ quan, đơn vị, tus khênhx côngv paz. Têx cêr paz zuôr tâu sir zôngv trơưk đraiv cêr tuôr xav, cux li lês trâu sơưr đơưk pov njôngr. Hâux lưv paz ntơưv têx tus khênhx, paz pơưs, tsêr luôv puôr lênhx tâu sâu nhav thiaz kruôk sâuv mạng, tâu muôz ntơưr kruôk paz cêr cơưv shâuv.

Têx cêr paz thor xa lok trâu "Nhiax paz cêr cơưv shâuv Tô Hiệu" (Hội Cxơưz paz cêr cơưv shâuv tỉnh Sơn La, qơư nhoz: Số 41, cêr Tô Hiệu, tổ 5, phường Tô Hiệu, thành phố Sơn La, tỉnh Sơn La. Xor tôngx: 02123.857571. 0913252340, Tài khoản: 411.046.3264 ntơưv Tsêr nhiax Thương mại cổ phần Đầu tư thiaz Huôv tsar Việt Nam - Chi nhánh tỉnh Sơn La).

Cias tov kaz jias gruô hu, têx đại biểu côngv tưz paz trâu Nhiax cơưv shâuv Tô Hiệu đros trâu nhiax yax 270 triệu đaiv. Trơưk li têx ntâuz ntơưr kria pâuz, thị xã Mộc Châu paz tâu 50 triệu đaiv; huyện Bắc Yên paz tâu yax 25,9 triệu đaiv; têx huyện, thành phố tror gruô hu côngv têk paz trâu Pênhr paz cêr cơưv shâuv Tô Hiệu.