Jok Chiềng Đi 1 thiaz Chiềng Đi 2 hur si muôx 374 zis 5 hair nênhs nhoz uô cê, phênhv chôngz zos cưr tix nênhx tsa Hmôngz nhoz. Têx shông đhâu, pêx xênhv 2 luz jok puôr lênhx nthuôr huôv jông cêr thôngx siaz, sir jos lês jông jias gruô hu "Hur si pêx xênhv côngk têk cxiv tsa jêx jok yiaz". Hâur shông 2025, 2 luz jok tưz tâu paz uô 3 luz tsêr thôngx siaz trâu têx zis nênhs njiz ntâu cêr phiv liv. Pêx xênhv luz nênhx iz thênhv jux juk taua jông đuô; thax tsav tâu por hưv nox nhoz, truôx njês.

Txix li muôx đêx ar, huôz chuô lax, tox trôngz, hâur pêk jông gâux, pêx xênhv 2 jok tưz moz siaz por hưv cêr nyiaz hur, huôv tsar kôngz lông đros trâu tsưx truôx têx txux chi, cênhz cưv; cxiv tsa luz nênhx vav mênhx hâur nox yôngz, pav tuôs thiaz kriz cêr grâuv pax. Đhâu cxênhz, shông 2025, hur si 2 luz jok muôx 286 zis tâu côngz bê “Zis nênhs muôx txux chi”.

Muôx luk hâur Hnuz grâuv pax hur si pêx xênhv thôngx siaz, đồng chí Đặng Trọng Cường tưz kruôk txos têx hâux lưv uô jok Chiềng Đi 1 thiaz Chiềng Đi 2 lês tâu hâur ntu đhâu; Cxiz cov Chi ủy, Ban saiz car jok thiaz Ban côngz xưv mặt trận ntơưv 2 jok tror fuô kria, zaz zâuv pêx xênhv lês jông Đảng, Têz qơưk thiaz têx cêr chai hâur jêx jok. Sir tưr huôv tsar nuôv zax truôx njês đros trâu por hưv đêx ar, huôz chuô nyiaz hur, por hưv têx txux chi jông; nthuôr huôv cêr thôngx siaz cxuô hair nênhs, cxiv tsa jêx jok vav mênhx, tsik muôx nênhs cxâuv chai, cxơưz paz lês tiar hâux lưv chính trị ntơưv thax tsav.