Hâur kaz hli 7 thiaz hâu hli 8/2025, tỉnh Sơn La tưz muôx yưv ntux nas lox uô trâu 2.602 luz tsêr mas hiav; hâu ntơư muôx 52 luz tsêr moz, mas đêx yôngz hur tiz si, 279 luz tsêr zuôr tsuv tâu ruôr muk trâu yiaz zênhx max, 90 luz tsêr piav iz đraz, đuô li zos têx tsêr zuôr poz thiaz mas đêx nhaz.

Haik txos paz nhiax cxiv puôz yiaz, ruôr tsêr muk trâu qơư yiaz, Bộ CHQS tỉnh tưz đros têx xã fuô lês txix li sir zôngv nhiax zos Ban zaz zâuv paz nhiax Trung ương muôz paz, nhiax mal 100 triệu đaiv/tsêr uô yiaz, kho đuô zos 30 triệu đồng/tsêr. Xav txos nhiv no, tỉnh tưz gruô hu tiz nênhs cxiv puôz tsêr, suô khâuz nhaz, đơưk têx cêr phiv liv thiaz tưz piz uô 32 luz tsêr, yaik 19 tsêr.

Muôx luk jias cơưv, đồng chí Nguyễn Thành Công cxiz cov têx xã, jok zênhx max zok ar uô tsêr nhoz. Tỉnh Sơn La gruô hu cêr côngv têk ntơưv têx sở, ngành thiaz têx xã chia cxiv puôz, kho tsêr chia cov trơưk đraiv cêr tuôr xav tso tơưv.

Đồng chí Phó Tư lệnh Quân khu 2 cxiz cov UBPX tỉnh Sơn La zuôr tsuv bax kho cxix cxuô điện, đêx trâu têx zis nênhs uô tsêr yiaz chia cov thâuv uô tâu tsêr taua sir zôngv cias; chox car ntov nti ntu zok ar chia uô tsêr, moz siaz cxiv puôz trâu têx zis njiz ntâu cêr phiv liv uô ntêx. Bộ CHQS tỉnh siz khov truôx khor đros têx sở, ngành, têx xã hâur ntu uô tsêr nhoz cov tâu jông; đơưk têx cêr phiv liv, chor nhov chia cov lês tâu trơưk đraiv cêr tuôr xav. Quân khu 2 zuôr tsuv bax cxix cxuô tiz nênhs lês hâux lưv paz uô tsêr trâu px tỉnh Sơn La.