Txix hnuz 25 txos zar sơưr nzor hnuz 27/7, hâur thax tsav tỉnh Sơn La, ntux tưz lok nas lox uô trâu đêx huôv thiaz tox poz hiav tiz nênhs, pêx xênhv thiaz Têz qơk têx chuôz tav puôk tsuôx. Tuôs 5 tus nênhs, phox 1 tus; puôk 143 luz tsêr; 2 txox cêr yêz têz qơưk, 2 txox cêr yêz têz tỉnh thiaz ntâu txox cêr yêz têz muk trâu đuô tỉnh poz tas ntâu ntu yêz muk tsik tâu; đêx cuôr puôk 7 tus qox đai; puôk 32 kror qơư tâur, tok đêx; yax 130 ha liax blêx, ntoong nox txir, jâuz cxuô zav thiaz yax 2.650 tus tsiax, cxu…

Cias thâuv đêx cuôr đhâu, UBPX tỉnh tưz chox car cxuô xã cxiz hâux lưv trơưk “4 cias ntơưv qơư” cxiz têx paz nênhs muk uô côngz xưv zos đồng chí Chủ tịch, Phó Chủ tịch UBPX tỉnh chox đros cxuô sở, ban, ngành txos ntuô qơư chox car hâux lưv nriar chơưv nênhs, đơưk cêr phiv liv. Cxuô qơư, muk shuôk paz trơưk đraiv cêr chai trâu têx nênhs muôx nênhs tuôs; kho vax tsê ntux nas hiav puôk; kho têx ntu cêr tox poz; tsưx hưv cêr nyiaz hur; paz cov pêx xênhv nzor uô nênhs truôx njês.

Ntơưv jias uô hâux lưv, hlôngr njêx muôs Cục Saiz car têx njưs tâur đêx Phax tar ntux hiav tưz haik mênhx hâux lưv đơưk cêr phiv liv ntux hiav. Hâur ntu ntux yar ntux nas txơưr txar, Cục Saiz car têx njưs tâur đêx Phax tar ntux hiav cxiz cxuô qơư siz chos bax cxuô zav, cxênhz yuôx têx qơư zôngx ziv mas ntux nas hiav, kria cov pêx xênhv tơưv muk nhoz trâu qơư nhaz xênhz.

Ndax no, Cục Saiz car têx njưs tâur đêx Phax tar ntux hiav tưz krưr 1.000 xaz mì zos Công ty cổ phần ACECOOK Việt Nam paz trâu pêx xênhv ntơưv qơư ntux nas hiav.