Hâur cêr shir phaz, jông siaz, têx đại biểu thiaz pêx xênhv jok Mường Chiến tưz siz chos yaz đuô cênhz cưv nto mông hâur 95 shông Hnuz tsa tơưv Mặt trận Dân tộc Thống nhất Việt Nam (18/11/1930-18/11/2025); têx cêr siz tưr nhiav têz, nhiav qơư, têx jias zaz zâuv thiaz têx hâux lưv cxiv tsa cêr thôngx siaz cxuô hair nênhs hâur shông 2025.

Jok Mường Chiến muôx 287 ziv nênhs, đros trâu yax 1.330 lênhx pêx xênhv. Shông đhâu, pêx xênhv hâur jok puôr lênhx nthuôr huôv cêr thôngx siaz, moz siaz siz tưr uô kôngz lông, lax luôv, cxơưz paz sâu nju nhiax txiax, luz nênhx tâu jông. Nhiv no jok muôx 160 ha kôngz lông cxuô zav, hâu ntơư 40 ha ntông nox txir; tu zus 1.279 tus nhux, tưv, 8.500 tus kaiz ok. Fênhx đraz sâu tâu 38 triệu đaiv/nênhs/shông, tsar 3,2% njuôk li shông 2024; têx zis pluôs grik yuôr 3,13%. Cêr siz tưr cxiv tsa jêx jok yiaz tâu pêx xênhv moz siaz côngv đros lês. Têx hâux lưv nthuôr txux chi, paz têx nênhs txov nhêv hla đhâu cêr phiv liv tâu moz siaz txos, txos nhiv no 100% têx mê nhuôv nhoz shông puôr lênhx tâu muk cơưv ntơưr; muôx 106 zis tâu côngz bê “Zis nênhs muôx txux chi”; tsưx truôx 11 paz sênhr chêr; 3 paz ndơưk bóng, ntâuk bóng tsik tsês cơưv shâuv chia nthuôr txux chi.

Muôx luk jias no, đồng chí Thơưx ban Nội chính Tỉnh ủy tưz kruôk têx zav uôk jok Mường Chiến lês tâu hâur shông đhâu, đros ntơư xar cov cấp ủy, nov hâu thiaz pêx xênhv hâur jok tror nthuôr huôv jông cêr thôngx siaz, moz siaz fuô kria, zaz zâuv pêx xênhv lês jông Đảng, Têz qơưk têx cêr chai thiaz têx cêr chai hâur jêx jok. Đồng chí cxiz cov jok tror zaz zâuv pêx xênhv hlôngr nôngz kôngz yiaz tsêz chos, hlôngr nôngz tsiax tu zus, huôv tsar nhiax txiax zis nênhs thiaz hợp tác xã chia cov têx hax huv muôs tâu gri; nthuôr huôv jông pêx xênhv qơư sơưr chia lês cêr siz tưr “Hur si pêx xênhv siz chos hlôngr pâur số”, “Hur si pêx xênhv cơưv shâuv tsưr ziv hlôngr số”; moz siaz phax tar têx nênhs cxâuv, por hưv thax tsav nox, nhoz nhaz xênhz. Ban lês côngz xưv mặt trận tror hlôngr yiaz njiaz luk, tsưr ziv lês hâux lưv; nthuôr huôv jông vax huôv siz txis, cxaz nzir cêr thôngx siaz cxuô hair nênhs, cxơưz paz cxiv tsa thax tsav vav mênhx, nox tsâu, hnar sor, shir phaz.