Dự án txox cêr yêz ntơưv tiểu khu 26/3, xã Cò Nòi muk txos trâu tiểu khu 10, xã Hát Lót hur si nhiax cxiv puôz tas 500 tỷ đaiv. Ntêr 8,34 km, muôx 481 zis nênhs, paz pơưs, tus khênhx nhoz hâur txox cêr muk đhâu. Txos nhiv no, tưz lês tiar hâux lưv tso chai tsưr ziv thêv nhiax, cxơưz paz thiaz yaik 329 zis muk nhoz trâu qơư yiaz, đros trâu hur si nhiax tas 103 tỷ đaiv. Txos nhiv no, hâux lưv lês dự án tâu zuôr luôs 55%.

Tov kaz cxênhz yuôx thax tsav, đồng chí Lê Hồng Minh cxiz cov huyện Mai Sơn moz siaz chox car, cxiz tsêr cxưx nhiax bax cxix cxuô tiz nênhs, chuôz zênhx chia lês cov tâu sai dự án; lês sai hâux lưv yaik pêx xênhv nhoz trâu qơư yiaz. Haik txos hâux lưv sâu nhiax têz qơưk thiaz muôz nhiax lês hâux lưv têz qơưk, tror moz siaz lês têx tsưr ziv sâu nhiax sê cov tâu jông. Moz siaz chox car fuô lês ntov nti, tâu jông têx hâux lưv, tsưr ziv muôz nhiax lês hâux lưv têz qơưk shông 2025.