Côngv jias uô hâux lưv muôx thơưx car têx sở, ngành cik txos thiaz hlôngr njêx muôs têx phòng chuyên môn, têx đơn vị zos Sở saiz car.

Sở Công Thương nhiv no muôx 4 phòng chuyên môn thiaz 1 đơn vị xưv cxênhx saiz car. Txix hâu shông txos nhiv no, Sở tưz moz siaz siz khov đros têx sở, ngành thiaz thax tsav lês jông têx tsưr ziv đơưk cêr phiv liv, paz têx tsêr luôv huôv tsar uô kôngz lông, lax luôv; tsi njênhk muôx txâuk chuôz zênhx, hax huv sir zôngv hâur cxuô hnuz trâu têx nênhs sir zôngv. Fuô lês jông têx hâux lưv lok sâuv tir tar têx nênhs uô luôv zuôv chai, huv chuôr.

Hâur 10 luz hli shông 2025, chỉ số uô hâux lưv hâur hur si ngành công nghiệp tsar 5,2%; hur si têx hax huv muôs tau 34.258 tỷ đaiv, tsar 14,72%; têx hax huv muôs muk trâu oz chas têz tâu 172,16 triệu USD, tsar 11,69%. Têx zis tâu sir zôngv điện tâu 99,5%. Moz siaz huôv tsar công nghiệp thiaz thương mại đros trâu 42 tsêr mair công nghiệp taz tov lês hâux lưv; 60 tsêr mair tênhz điện taz tov lês hâux lưv, xav uô tâu 3.790 MW.

Hâur jias uô hâux lưv, thơưx car Sở Công Thương tưz kria pâuz iz cxia cêr phiv liv, chor nhov, li: Tsik tâu muôx txâuk cêr chai cxơưz paz chia gruô hu têx tsêr luôv muôz nhiax lês hâux lưv ntơưv têx tsêr mair. Iz cxia tsêr mair tâu tsa tơưv taz sik tsik tâu muôx đơn vị uô lax luôv hạ tầng kỹ thuật chia lês nuv thiaz paz têx tsêr luôv. Hâux lưv zok têx ciaz muôs hax huv trâu cấp xã saiz car tsênhv njiz ntâu cêr phiv liv viv tsik muôx txâuk nênhs uô hâux lưv...

Muôx luk jias no, đồng chí Nguyễn Thành Công cxiz cov Sở Công Thương sir zôngv têx zav muôx txơưv jông, moz siaz huôv tsar công nghiệp, thương mại, tror chuôz jos trâu nhiax txiax Sơn La huôv tsar. Cxênhz, kho đuô cêr tuôr xav saz công thương; moz siaz gruô hu muôz nhiax huôv tsar têx tsêr mair. Cxiv tsa tsưr ziv muôz nhiax lês têx dự án ntơưv ngành taz tov fuô lês; tsi njênhk lês tiar hâux lưv muôz nhiax uô nuv têz qơưk tâu 100%. Sox njôngr tus gri hax huv, tsưx truôx tsus gri hâur kaz shông thiaz Tsiaz têz qơưk; moz siaz cxênhz yuôx ciaz khư, phax tar têx nênhs uô luôv cxâuv chai, muôs hax huv chuôr, hax huv tsik txâuk chai.