Ntơưv jias no, nênhs hlôngr njêx muôs Trung tâm tu jông jâuz, txir Doveco Sơn La tưz kria pâuz hâux lưv sâu zuôr, uô luôv kôngz txir nox hâur thax tsav tỉnh. Trơưk ntơư, Công ty piz sâu zuôr mo môngk chia tu jông txix hâu luz 6 hli, xav fênhx đraz tu jông 150 tấn/hnuz, đros trâu iz chiaz muôs tâu 7.000 nhiax ntơưv Trung tâm tu jông jâuz, txir Doveco Sơn La; txir mo môngk txâuk chai hnhar txix 4 las tror sâuv, tsik mas caz nox, tsik njôngs. Trơưk tsov xav, shông 2025, Công ty sâu zuôr 80.000 tấn kôngz txir nox cxuô zav, li: Yax 30.000 tấn txir mo môngk, 18.000 tấn poz cưk kaz jiz, yax 12.000 tấn tâuv pâur thiaz jâuz, 2.000 tấn txir lưv tsiz thiaz iz cxia huv kôngz txir nox txơưr.

Iz chas sâu zuôr kôngz txir nox, Doveco Sơn La tsênhv đhos chuôz zênhx ntiv txir hâur thôngz ntơưr xuz thơưx muôx ntơưv Việt Nam zos Tetra Pak - Thụỵ Điển xar tơưv xav fênhx đraz ntiv txir trâu 6.000 luz thôngz ntơưr/six. Nênhs hlôngr njêx muôs Trung tâm tu jông jâuz, txir Doveco Sơn La chos luk tror đros têx HTX siz chos uô nox, moz siaz cxiv tsa tsưr ziv huôv tsar kôngz txir nox thiaz zuôr gri kôngz txir nox truôx njês trơư li ntâuz ntơưr chos trâu UBPX tỉnh Sơn La.

Đồng chí Nguyễn Thành Công cxiz cov Trung tâm tu jông jâuz, txir Doveco Sơn La cxiv tsa tsưr ziv sâu zuôr, uô luôv hax huv; sâu zuôr, tu jông ntâu huv kôngz txir nox, nhav nxiak muôx liv fiv huv, truôx njês hâur tsêr luôv thiaz têx HTX cux li pêx xênhv.