Ntơưv jias no, thơưx car Công ty cổ phần Nôngz nhux mik Mộc Châu tưz kria pâuz têx hâux lưv uô tâu hâur siz chos uô luôv cuô mik nhux. Nhiv no, Công ty tưz đros 469 ziv nênhs zus nhux siz chos uô nox; tsưr ziv sâu zuôr chor ziv nênhs cuô mik nhux shông 2025 nto 75.500 tấn cuô mik nhux; xav hur si chor cuô mik nhux tâu sâu zuôr txos hnuz 30/4 mak 28.436 tấn cuô mik nhux, tâu 37,6% tsưr ziv (tsar zuôr luôs 2.000 tấn njuôk li cêr tuôr xav).

Taz sik, têx shông đhâu, cxuô ziv nênhs zus nhux tưz pâuz kriz đar tsưr ziv uô nox, tsar paz nhux uô trâu tso tâu ntâu cuô mik nhux, ndax ntu ntơư, hâux lưv uô luôv cuô mik nhux taz tov njiz ntâu cêr txov nhêv, viv li, Công ty zuôr tsuv sâu zuôr tsơưs cuô mik nhux bâuv li 15% txix luz 5 hli tax tas shông 2025. Công ty tso tơưv têx hâux lưv cxiv tsa tsưr ziv đros têx ziv nênhs uô luôv cuô mik nhux hâur luz 5 hli thiaz txix luz 6 hli txos kaz shông, kria trâu têx ziv nênhs zus nhux tso tơưv tsưr ziv hlôngr yiaz paz nhux, tsik zus têx tus nhux tso cuô mik tsơưs thiaz hâuk tsik kaz.

Fuô luk hâur jias uô hâux lưv, đồng chí Nguyễn Thành Công cxiz cov têx ngành cik txos tror cxênhz yuôx tsov xav kror qơư zus nhux hâur thax tsav tỉnh chia lês jông Cêr chai Tu zus tsiax cxu. Moz siaz tu zus ntâu tsiax cxu, sir zôngv chuôz zênhx jông; tuôr xav tror huôv tsar đuô paz nhux tso cuô mik, cxênhz yuôx paz nhux taz tov muôx nhiv no, tuôr xav tror hlôngr yiaz paz nhux; tsov xav tso tâu ntâu cuô mik/tus; paz tsêr luôv cxiv tsa thax tsav zus nhux tsik cik moz ơưk.

Đros trâu Công ty cổ phần Nôngz nhux mik Mộc Châu, tsuv kria mênhx tsưr ziv sâu zuôr cuô mik nhux hâur luz 5 hli, têx hli hâur shông thiaz hâux lưv sâu zuôr tsơưs cuô mik nhux trâu yênhx ziv nênhs zus nhux; kriz đar tsưr ziv uô nox yiaz chia muôs tas cuô mik nhux; pâuz mênhx têx ziv nênhs zus nhux siaz xar; đros têx đơn vị tuôr xav tror huôv tsar đuô paz nhux txâuk chai, sir zôngv chuôz zênhx jông, nhav nxiak por hưv đêx ar huôz chuô nyiaz hur; tsik chia cik moz ơưk;...