Phường Chiềng An tâu tsa tơưv hâur hli 6/2025 txix li muôz phường Chiềng An kuz, têx xã Chiềng Xôm thiaz Chiềng Đen lok uô cê, đar 149,07 km², muôx 19.549 lênhx nênhs, đros trâu 18 hair nênhs, hâur ntơư pêx xênhv hair nênhs tsơưs txênhz 94,46% toz hâu nênhs. Trơưk cxênhz, 27/27 tổ dân phố thiaz jok muôx 94% hair nênhs tsơưs tror sâur, phường Chiềng An tâu tuôr xav zos thax tsav pêx xênhv hair nênhs tsơưs thiaz tox siaz.

Đhâu cxênhz yuôx, phường tsik yuôr jok njiz ntâu cêr phiv liv; zis pluôs yuôr 0,59%, jê cêr pluôs 1,51%; 100% zis muôx điện, đêx hur sir zôngv, cêr yêz lox muôx txos cias hâur jok, yar cơưv txâuk chai têz qơưk, sâu nhiax fênhz đraz tâu 64,8 triệu đaiv/nênhs/shông. Taz sik, cêr yêz, vax tsê, pênhr xưv huôv tsar nhiax txiax ntơưv phường njuôk li têx tiêu chí xair xã, phường hov 1 mak tsênhv tsik tâu txâuk chai. Viv li, hâux lưv tâu công nhav zuôr paz trâu Chiềng An tror tâu sir zôngv têx cêr chai paz trâu thax tsav pêx xênhv hair nênhs tsơưs thiaz tox siaz ntu 2026-2030, cxơưz paz huôv tsar nhiax txiax- xã hội truôx njês, paz trâu cxuô pêx xênhv luz nênhx tâu jông đuô.

Muôx luk jias uô hâux lưv, đồng chí Đặng Ngọc Hậu cxiz cov têx sở, ngành đros phường Chiềng An cxênhz têx tiêu chí, tso điểm xair mênhx pêv chia cxênhz yuôx cov tâu jông. Txix ntơư, paz lês tâu jông hâux lưv tso điểm trâu têx xã, phường hâur thax tsav tỉnh. Đros ntơư, thôngx iz trôngs luk tso điểm, cêr chai trâu yênhx tiêu chí trơưk cêr chai hâur Nghị định số 272/2025/NĐ-CP. Zok trâu Sở Dân tộc thiaz Tôn giáo cxênhz yuôx têx xã njiz ntâu cêr phiv liv hâur thax tsav tỉnh, txix ntơư, chuôz jos chia fuô lês tâu jông têz qơưk luôs hâux lưv.