Jias tưr tas ntơưr THPT shông 2025, huyện Mai Sơn muôx 4 kror qơư tưr ntơưv 4 yar cơưv THPT hâur thax tsav, li: Yar cơưv THPT Mai Sơn; THPT Cò Nòi; THPT Chu Văn Thịnh; Yar cơưv PTDT nội trú THCS thiaz THPT Mai Sơn. Hur si muôx 1.606 shuv xênhz tưr, 77 qar tưr.

Txos nhiv no, huyện tưz bax cxix cxuô zav chia kriz jias tưr. Cxiv tsa tsưr ziv por hưv têx baix tưr, tsưr ziv por hưv thax tsav nox nhoz njias to; tsi njênhk muôx txâuk điện, đêx, por hưv kak nox hur, por hưv tsav yêz tâus cêr nhaz xênhz; tsưr ziv paz shuv xênhz zos muôx têx cêr phiv liv viv ntux hiav, caz moz; paz têx shuv xênhz nhoz đêz qơư tưr, shuv xênhz njiz ntâu cêr phiv liv...

Đoàn Thanh niên têx yar cơưv tưz cxiv tsa Paz hluôs nênhs tưx zênhv “Cxơưz paz têx shuv xênhz tưr tas ntơưr”; bax cxix cxuô zav, bax tsưr ziv paz thiaz tok têx shuv xênhz tuôx trâu qơư tưr zos muôx yưv ntux hiav. Haik txos têx shuv xênhz nhoz đêz qơư tưr, têx yar cơưv tưz cov têx shuv xênhz nhoz bán trú hâur ntu yaz ntơưr thiaz tưr ntơưr.

Cxênhz yuôx ntơưv têx qơư tưr, đồng chí Lê Hồng Minh cxiz cov huyện Mai Sơn tsuv bax cxix cxuô têx tsưr ziv cov tâu jông zos muôx yưv têx zav ntux hiav hâur ntu kriz tưr; por hưv tsav yêz tâus cêr nhaz xênhz, por hưv thax tsav nox nhoz njias to, por hưv kak nox hur... chia jias tưr tâu kriz nhaz xênhz, ntov nti, trơưk đraiv cêr chai thiaz tưr tâu điểm siaz yax.