Dự án cxiv puôz Tsêr kho moz Đa khoa huyện Vân Hồ, txos nhiv no tưz uô tiar; luz tsêr uô hâux lưv 3 yôngx, tsêr nênhs moz pư 5 yôngx, uô tiar đruôz đros thiaz tsas jêz thair; tsêr kho têx moz cik tâu kho nzir têx ntơưr njuôk tsov cxuô zav; têx chuôz zênhx njuôk kho moz thiaz iz cxia chuôz zênhx txơưr tâu uô tiar; tưz zok nhiax tas 90% trơưk tuôr xav.

Hok dự án qơư phâuk khâuz nhaz tơưr huyện Vân Hồ, txos nhiv no tưz uô tiar kror qơư phâuk khâuz tiv 2 thiaz tiv 3; thax tsav paz max; qơư tu khâuz nhaz; têx car đêx; cxuô zav tu khâuz nhaz; tsêr uô hâux lưv; yar tiax jiaz ar gok; tsêr vor thax tsav tu khâuz nhaz; pak ntiv đêx hur; chaz điện trâu cxuô qơư, điện tơưk pov cêr thiaz ntâu zav taz tov sir jos suôx câuv... Hâur ntu uô cux njiz iz cxia cêr phiv liv, li: Têx hâux lưv njuôk tsov, cxênhz yuôx, cir tsik tâu fiv huv, li ntơư zuôr tsuv kho đuô, cxaz nzir, uô trâu dự án nduô ntêr.

Đồng chí Phó chủ tịch UBPX tỉnh cxiz tsêr luôv uô cov sai cxuô zav hâur Dự án cxiv puôz Tsêr kho moz Đa khoa huyện, tu thax qơư cxiv puôz, iz ndis yar puôv, iz cxia kho nzir zos UBPX huyện uô, tsênhr cov por hưv tâu jông hâux lưv phax tar, tuô hluôr tơưk, tsưx hưv cêr nyiaz hur thâuv uô tâu lok zôngv. Qơư phâuk, tu khâuz nhaz tơưr, zuôr tsuv trâu siaz uô sai têx ntơưr lok sâuv por hưv cêr nyiaz hur, uô cov tiar cxuô zav lok zôngv.