Trơưk cxênhz, coz nas shơư chuô số 10 tưz uô trâu tox poz, cxuz tuôs 1 tus nênhs ntơưv jok Suối Gà; hiav yax 40 ha blêx liax; yôngz thiaz nhaz 6 luz tsêr ntơưv jok Cải, jok Chùng thiaz jok Bang; 31 zis nhoz trâu jok Kẽm, Tân Kiểng nziv ar zuôr poz, tâu yaik zênhx max muk nhoz trâu qơư yiaz; 10 tus ndêx điện ntơưv jok Đoàn Kết tưz vâu; ntơưv jok Kẽm, 1 tus qox hlâu tưz mas đêx yôngz

Yar cơưv PTDTBT TH thiaz THCS Mường Do mas đêx ntâuk vâu 70 m nja vax; piav 25 m cưx đêx; iz cxia ndêx, yar tiax, trôngx vas yar cơưv piav tas; đêx tưz nhaz iz cxia qar cơưv ntơưr.

Ntu cêr tỉnh 114 ar poz cxuz ntâu ntu, yax hlo zos ntu hâur jok Đèo Bụt muk trâu jok Lằn thiaz ntu ntơưv jok Bãi Bông; thax tsav jok Hợp Phong muk trâu jok Lao nhiv no yêz muk lok tsik đhâu; ntơưv jok Hợp Phong muk trâu jok Dinh kaz kê poz ntâu.

Ban Chox car phax tar thax tsav xã Mường Bang tưz gruô hu dân quân, công an xã thiaz têx nênhs por hưv njias to thax tsav ntơưv cơ sở yaik pêx xênhv thiaz chuôz tav muk trâu qơư nhaz xênhz; chox car têx yar cơưv, tsêr cơưv nhoz qơư phiv liv muôx tsưr ziv tir tar, tsik chia hiav txos têx shâuv xênhz, yax hlo zos têx shâuv xênhz bán trú taz tov nhoz hâur yar cơưv. Đros ntơư, moz siaz lês jông côngz xưv sox njôngr ntux nas chia kria trâu pêx xênhv, phaiz nênhs jor chox car tir tar ntux nas hiav.

Đhâu cxênhz ntơưv thax tsav, đồng chí Phó Chủ tịch UBPX tỉnh cxiz cov xã Mường Bang zênhx max fuô lês têx tsưr ziv tir tar, por hưv cêr nhaz xênhz trâu tiz nênhs, yax hlo zos têx thax tsav nziv muôx tox poz, đêx cuôr. Đros ntơư, moz siaz đơưk têx cêr phiv liv, paz trâu pêx xênhv luz nênhx nzor truôx njês. Cxiz cov gruô hu tiz nênhs, yêz câuk ar thoz, huk cêr chia cov pêx xênhv muk lok đhâu.

Cux hnuz ntơư, đồng chí Nguyễn Thành Công, Phó Chủ tịch UBPX tỉnh, tưz muk cxênhz yuôx côngz xưv phax tar coz nas chuô số 10 hiav ntơưv thax tsav xã Mường Cơi.

Trơưk cxênhz, coz nas chuô số 10 tưz uô nhaz 31,7 ha blêx liax, 210 ha poz cưk; 5 zis nhoz trâu jok Chiếu, jok Thải tsêr mas hiav; tsêr cơưv Hang Đá, Yar cơưv TH-THCS Tân Lang mas đêx nhaz hur tiz si. Ntu cêr thôngz xã txix ntơưv jok Diệt muk trâu đrôngs xã Phù Yên piav tas ntâu. Iz cxia cêr muk trâu xã, jok tox poz cxuz ntâu…

Ban Chox car phax tar thax tsav xã Mường Cơi tưz moz siaz chox car, gruô hu têx nênhs ntơưv qơư paz têx zis nênhs nziv ar zuôr poz muk nhoz trâu qơư yiaz thiaz zok qơư nhaz xênhz trâu têx zis nênhs ntơư nhoz iz ntu; cxok fiax tsik puz muk lok đhâu têx thax tsav phiv liv thiaz muôx tsưr ziv paz max cov pêx xênhv luz nênhx nzor truôx njês.

Đồng chí Phó Chủ tịch UBPX tỉnh cxiz cov xã Mường Cơi zênhx max zok yêz câuk ar muk thoz, huk ar ntơưv têx ntu cêr ar poz cxuz. Gruô hu têx nênhs cias ntơưv qơư paz nzuôr hur si tsêr cơưv Hang Đá. Đros ntơư, siz khov đros têx cơ quan chuyên môn zok nriar tsưr ziv cxiv puôz cưx tso đêx, khov trâu UBPX tỉnh muôz nhiax chia cxiv kho đuô tsêr cơưv cov jông, txâuk chai chia choz kria ntơưr trâu têx shâuv xênhz.