Đồng chí Phó Chủ tịch UBPX tỉnh cxênhz yuôx côngz xưv cxiv kho tsêr đos đis ntơưv xã Chiềng Mai

Hnuz xiaz 5/2, đồng chí Đặng Ngọc Hậu, Phó Chủ tịch UBPX tỉnh đros paz côngz xưv ntơưv tỉnh tưz muk cxênhz yuôx hâux lưv fuô lês côngz xưv cxiv kho nzir tsêr đos đis, xâu nas shông 2025 ntơưv xã Chiềng Mai. Đros muk muôx thơưx car iz cxia sở, ban, ngành ntơưv tỉnh, thơưx car xã Chiềng Mai.

Paz côngz xưv ntơưv tỉnh muk shuôk ziv nênhs nhoz jok Púng, xã Chiềng Mai tâu paz cxiv puôz yiaz txix nhiax pênhr hâur Đề án paz cxiv kho tsêr đos đis ntơưv Bộ Công an.
Fuô lês đề án paz cxiv kho tsêr đos đis, xâu nas ntơưv Bộ Công an, xã Chiềng Mai tưz cxênhz yuôx, xair ziv nênhs tâu paz uô tsêr nhoz zos nênhs zos chai; tso chai paz cxiv kho tsêr nhoz trâu têx ziv nênhs txâuk chai. Hur si xã tưz tsov xav 13 ziv pluôs, jê cêr pluôs njiz cêr txov nhêv lok sâuv tsêr nhoz tiv xâu nas lok sik mas ntux nas hiav, txâuk chai thiaz xar tâu paz uô tsêr nhoz trơưk đề án ntơưv Bộ Công an, xav fênhx đraz tâu paz 60 triệu nhiax/luz tsêr. Txos nhiv no,13/13 ziv nênhs tưz cxiv puôz tiar tsêr nhoz, nhav nxiak txâuk chai “3 khor”, taz tov uô tiar ntâuz ntơưr cxênhz yuôx công nhav thiaz muôz zok trâu têx ziv nênhs sir zôngv.
Iz chas đề án Bộ Công an paz, xã Chiềng Mai tsênhv tâu paz 40 triệu nhiax trơưk Nghị định số 20/2021/NĐ-CP hnuz 15/3/2021 ntơưv Chính phủ fuô mênhx cêr chai paz têx nênhs tâu paz xã hội trâu ziv nênhs tsêr  cuz hnhiaz tas; đros Bộ Chỉ huy Quân sự tỉnh paz 100 triệu nhiax trâu ziv nênhs mas ntux nas cuôr piav tas. Txos nhiv no, hur si 2 ziv nênhs tưz cxiv puôz tiar tsêr nhoz, tsov xav uô tiar uô ntêx Tsiaz Têz qơưk  2026. 
 
Paz côngz xưv ntơưv tỉnh thiaz xã Chiềng Mai muk shuôk, krưr huv ziv nênhs jok Púng, tâu paz cxiv puôz tsêr nhoz. 
Paz côngz xưv ntơưv tỉnh muk shuôk ziv nênhs jok Vượt Bon, xã Chiềng Mai mas ntux nas cuôr tâu paz cxiv puôz tsêr nhoz yiaz txix nhiax pênhr Bộ Chỉ huy Quân sự tỉnh. 

Đồng chí Đặng Ngọc Hậu cxiz cov cxuô sở, ngành thiaz thax tsav moz siaz paz têx ziv nênhs uô tiar tsêr nhoz thiaz thêv tas nhiax ar shôngz ntông trâu lơưr uô ntêx Tsiaz Têz qơưk. Tsuv uô jông côngz xưv puz ntơưr công nhav vax huôv sir zôngv ar thiaz paz pêx xênhv sâu tâu nhiax zôngv, hla đhâu cêr pluôs truôx njês. Thax tsav tsuv tror cxênhz yuôx, sâu tsês têx ziv nênhs xar tâu paz cxiv kho tsêr nhoz chia đros Sở Dân tộc thiaz Tôn giáo cxiv tsa tsưr ziv paz cxiv kho nzir tsêr đos đis, xâu nas hâur shông 2026... 

Phênhz, saz lax

Cox yuôr 500/500 tus bê ntơưr

Bạn vui lòng nhập từ 5 ký tự trở lên !!!

Têx jâuv cox moz siaz txos

Mông yiaz

Xem thêm