Trơưk fuô ntơưv UBPX xã Mường La, ơưk buô châu Phi yưv trâu hnuz xiaz 6/6, txos nhiv no yưv ntơưv 8/54 luz jok, tiểu khu; têx buô tuôs thiaz phâuk por tsês 121 tus, xav hnhar yax 6,2 tấn. Hok ntơưv xã Mường Bú, ơưk buô châu Phi yưv trâu hnuz 19/6 hli, txos nhiv no tưz cik trâu 12/52  jok, tiểu khu, xav têx buô tuôs thiaz phâuk por tsês 437 tus, hnhar zuôr luôs 29 tấn.

Xã Mường La thiaz Mường Bú tưz tsa tơưv Ban Chox car phax tar caz moz, phaiz yuôx, yêz phax tuô caz moz; kria têx jok, tiểu khu tsuôs yuôx tuô caz, mfông hmôngr jêz siz thiaz phâuk buô uô moz trơưk chai. Tsa tơưv thiaz lês trơưr têx qơư tar cêr cxênhz yuôx caz moz ntơưv têx jok, tiểu khu muôx caz moz.

Tov kaz cxênhz yuôx, đồng chí Phó Chủ tịch UBPX tỉnh cxiz cov xã Mường Bú thiaz Mường La fuô kria trâu pêx xênhv lok sâuv phax tar caz moz; tsik tsês saiz nyik caz moz, zênhx max pov têx qơư moz yiaz thiaz phâuk buô trâus moz. Tsuôs yuôx tuô caz moz thiaz chok nxiak txuôs tâu qơư hur si tsik chia cik moz. Cxênhz yuôx, sox njôngr tsik chia thâux, muôs buô uô moz. Cxênhz hur si chia paz txos têx ziv nênhs tsiax mas moz hiav.

Đồng chí haik tiak kror cik muk đêz đar nziv yưv trâu hâur ntu zuôr txos no, li ntơư, ndo njôngr phax tar ntơưv yênhx tus pêx xênhv, yênhx ziv nênhs tu zus tsiax. Lês jông têx tsưr ziv phax tar caz moz txix hâux lưv cxax yuôx vắc xin trơưk chaix. Xav li moz su poz tơưr graix ntơưv nhux, tưv, txơưv tsik tâu fuô kria caz moz tiav sik nov hâu 2 xã tsuv ndo njôngr đros Trạm kỹ thuật kôngz lông thax tsav II sox njôngr têx tsiax cxu, kria tu saiz, phax tuô caz moz, tok nrư têx tsưr ziv phax tir thâuv muôx caz moz yưv.