Shông 2025, Yar cơưv Cao đẳng Sơn La tâu muôz yax 30,7 tỷ đaiv chia lês dự án. Hâur ntơư, 4,77 tỷ đaiv chia cxiv puôz vax tsê cxuô zav chia huôv tsar hâux lưv choz kria ntơưr thax tsav pluôs, thax tsav txov nhêv; zuôr luôs 25 tỷ đaiv chia cxiv puôz têx qơư lês hâux lưv uô cê. Txos nhiv no, Yar cơưv Cao đẳng Sơn La tưz muôz tâu yax 24,4 tỷ đaiv, tâu zuôr luôs 79,4% cêr tuôr xav pênhr zok.

Txix li pênhr nhiax xưv cxênhx, shông 2025, yar cơưv tâu zok yax 30,5 tỷ đaiv, muôx: 11,7 tỷ đaiv hâur Luôs hâux lưv txo tsơưs cêr pluôs truôx njês thiaz 18,8 tỷ đaiv pênhr hâur Luôs hâux lưv huôv tsar nhiax txiax - xã hội thax tsav pêx xênhv hair nênhs tsơưs thiaz tox siaz (Luôs hâux lưv 1719). Hâux lưv muôz nhiax lês nuv tâu 60%.

Hâur Cêr tuôr xav muôz nhiax lês hâux lưv ntu 2026-2030, Yar cơưv Cao đẳng Sơn La khov cov muôz 45 tỷ đaiv chia uô vax tsê, zuôr chuôz zênhx cov txâuk chai; sir zôngv tsưr ziv yiaz lok choz kria ntơưr... Đros ntơư, khov cov muôz 9 tỷ đaiv hâur pênhr nhiax Luôs hâux lưv txo tsơưs cêr pluôs truôx njês chia zuôr chuôz zênhx chia choz kria 5 zav hâux lưv zov chênhr.

Muôx luk jias uô hâux lưv, đồng chí Phó Chủ tịch UBPX tỉnh cxiz cov Yar cơưv Cao đẳng Sơn La tror moz siaz lês jông hâux lưv muôz nhiax lês nuv, sir jos tas hli 1/2026 tâu yax 98% cêr tuôr xav; tror lês jông côngz xưv đros oz chas têz siz khov, yax hlo zos hâux lưv kria têx shâuv xênhz Lok Tsuôk; cxênhz, cxiv tsa têx hâux lưv lês hâur ntu 2026-2030 cov fiv huv. Đros ntơư, siz khov đros têx tsêr luôv, moz siaz cxênhz têx hâux lưv hâur ntu nênhx yiaz chia choz kria cov fiv huv, cxaz nzir têx nênhs zok tâu nuv uô tov kaz cơưv tiar hâur yar cơưv.