Xav txos hnuz xiaz 1/9/2025, hur si tỉnh Sơn La muôx 5.294 cán bộ, cưk kho moz, uô côngz xưv ntơưv 75 tsêr kho moz thiaz 125 kror qơư kho moz tâu trung tâm y tế têx thax tsav saiz car. Tỷ tsôngv cưk kho moz tâu 8,98/10.000 tus pêx xênhv; tỷ tsôngv cưk muôs yuôx nox tâu 1,3/10.000 tus pêx xênhv, kik đuô fênhx đraz hâur hur si têz qơưk. Tỷ tsôngv tsêr kho moz xã, phường muôx cưk kho moz tâu 97,33%. Hnuz 30/10/2025, UBPX tỉnh tưz tso tơưv cêr chai tso 75 tsêr kho moz thiaz 125 kror qơư kho moz tâu Trung tâm y tế têx thax tsav saiz car lok trâu UBPX cấp xã saiz car.

Hâur 10 hli shông 2025, têx tsêr kho moz thax tsav tỉnh tưz njuôk kho moz trâu 1.376.619 lênhx; têx nênhs zuôr BHYT txos hnuz 30/9 tâu 92,7%. Sir jos tas shông 2025 tâu 96,2%.

Hur si tỉnh pov yưv 11 kror qơư cik moz, hâur ntơư muôx 10 kror qơư muôx chôngz lênhx cik moz yax njuôk li shông 2024, đros trâu 1.518 lênhx, nhiv no tsênhv yuôr 3 kror qơư taz tov cik moz, hâur ntơư: 1 kror qơư cik moz uô poz têk tơư kror ndâux ntơưv thax tsav Thuận Châu. Têx zav moz cik txơưr tâu saiz car ntov nti, taz sik tsik uô jông phax tar cux zôngx ziv cik moz trâu cxuô kror qơư.

Ntơưv jias uô hâux lưv, thơưx car Sở Y tế thiaz têx đơn vị tâu saiz car tưz kria pâuz iz cxia txov nhêv, khuôv đais li: Chuôz zênhx njuôk kho moz ntơưv ntâu luz tsêr kho moz tưz kuz, tsik fiv huv, nhiax pênhr tsơưs; vax tsêr, chuôz zênhx njuôk kho moz tưz puôk lơưv ntâu; hâux lưv njuôk kho moz xã, phường tsênhv njiz ntâu cêr txov nhêv; tsik muôx txưv cưk njuôk, kho moz, paz tsik tâu zênhx max hâux lưv por hưv jông pêx xênhv muôx đas jos nhiv no.

 Thơưx car Sở Y tế thiaz têx đơn vị cux tưz khov UBPX tỉnh zok tsưr ziv choz kria, xair cưk kho moz uô hâux lưv yênhx shông; tso tơưv cêr chai gruô hu têx cưk kho moz coz tuôx uô hâux lưv, tsik muk uô hâux lưv trâu đuô kror qơư; cxênhz yuôx cxiv kho grêk tsơưs tyv tsôngv tưx saiz car nhiax txiax ntơưv têx tsêr kho moz ntâu khoa, chuyên khoa tsêr kho moz tỉnh, thax tsav thiaz iz cxia trung tâm tuyến tỉnh; cxaz nzir pênhr cxưx nhiax uô, cxiv kho, uô yiaz têx tsêr kho moz chia paz tâu zênhx max hâux lưv njuôk kho moz trâu pêx xênhv.

Câuk luk jias uô hâux lưv, đồng chí Phó Chủ tịch Thường trực UBPX tỉnh cxiz cov ngành y tế tror cxênhz yuôx, cxiv tsa, zok têx tsêr kho moz trâu têx thax tsav saiz car; fuô lês cêr chai gruô hu cưk kho moz coz tuôx uô hâux lưv, choz kria tsưr ziv njuôk kho moz yiaz. Tror hlôngr yiaz hâux lưv njuôk kho moz trâu hur si 3 tuyến, tsik tsês saiz car têz qơưk trâu hâux lưv  tir tar têx zav moz cik. Moz siaz cxưx nhiax cxiv puôz vax tsêr, zuôr chuôz zênhx njuôk, kho moz yiaz, nhav nxiak sir zôngv muôx kaz hâu têx trung tâm y tế thax tsav, đros tsêr kho moz tỉnh thiaz kho moz xã uô jông hâux lưv njuôk, kho moz; cxênhz yuôx, cxiv tsa têx qơư, tiz nênhs txơưx uô hâux lưv, paz tâu zênhx max trâu hâux lưv yiaz nhiv no.